سقو-دا اۋىل شارۋاشىلىعى ٶنٸمدەرٸن قايتا ٶڭدەۋگە باسىمدىق بەرٸلەدٸ.
بۇل تۋرالى سولتٷستٸك قازاقستان وبلىسىنىڭ ەكٸمٸ قۇمار اقساقالوۆ ايتىپ بەردٸ, دەپ حابارلايدى قازاقپارات.
«اۋىل شارۋاشىلىعى – بٸزدٸڭ ايماق ٷشٸن نەگٸزگٸ سالا. بىلتىر وسى الاڭدا اۋىل شارۋاشىلىعىن ەرتاراپتاندىرۋ باعىتىن تاڭداۋ تۋرالى ايتتىم. ول ٶزٸنٸڭ جەمٸسٸن بەرۋدە. اۋىل شارۋاشىلىعى ٶنٸمٸنٸڭ كٶلەمٸ – 700 ملرد تەڭگەگە جەتتٸ. بۇل 2019 جىلدىڭ كٶرسەتكٸشٸنەن 89 ميلليارد تەڭگەگە اسىپ تٷستٸ», - دەدٸ ٶڭٸر ەكٸمٸ ورتالىق كوممۋنيكاتسييالار قىزمەتٸندە ٶتكەن بريفينگتە.
جىل سوڭىنا دەيٸن 115 ميلليارد تەڭگە ينۆەستيتسييا تارتىلادى. وسىلايشا, ايماق ەلدەگٸ اگروينۆەستيتسييانىڭ 25% قامتاماسىز ەتەدٸ.
«قۇرعاقشىلىققا قاراماستان, بٸز دەستٷر بويىنشا ەل استىعىنىڭ تٶرتتەن بٸرٸن جەنە مايلى داقىلداردىڭ ٷشتەن بٸرٸن جينادىق. بۇل – بارلىق اگروتەحنيكالىق شارالاردى ورىنداۋدىڭ نەتيجەسٸ. ٶڭٸر ديقاندارى رەسپۋبليكادا تەحنيكانى جاڭارتۋ جەنە مينەرالدى تىڭايتقىشتاردى ەنگٸزۋ بويىنشا كٶش باسىندا تۇر.
بٸز ٶسٸرٸلگەن ٶنٸمدٸ مەيلٸنشە قايتا ٶڭدەۋٸمٸز كەرەك. ٶزدەرٸڭٸز بٸلەتٸندەي, استىق ٶڭدەۋ بويىنشا سەگٸز جىلدىق ٷزٸلٸستەن كەيٸن «بيوپەرەيشن» جشس ٸرٸ جوباسى قالپىنا كەلتٸرٸلدٸ. جاقىندا زاۋىتتى جاڭعىرتۋدىڭ ٷشٸنشٸ كەزەڭٸ اياقتالادى, وعان ينۆەستور 12 ملرد تەڭگە سالدى. ەندٸ كەسٸپورىن كراحمال, گليۋتەن, جەلٸمتەكپەن بٸرگە بيوەتانول ٶندٸرەدٸ. بيوەتانول, ەڭ الدىمەن, وتىنداعى وكتاندى كٶبەيتەدٸ. ٶنٸمگە سۇرانىس جوعارى. قازٸر پاۆلودار مۇناي ٶڭدەۋ زاۋىتىنا بيوەتانول جەتكٸزۋگە شارت جاساستىق. باستاپقى كەزەڭدە جىلىنا 20 مىڭ توننا بيوەتانول ٶندٸرۋ جوسپارلانۋدا, ونىڭ كٶلەمٸ بٸرتٸندەپ 36 مىڭ تونناعا دەيٸن ۇلعايادى. وسىلايشا, بٸز ەلدٸڭ وسى ٶنٸمگە دەگەن قاجەتتٸلٸگٸن تولىعىمەن جابامىز», - دەدٸ اقساقالوۆ.
