سولتٷستٸك قازاقستان وبلىسىندا دەنساۋلىق ساقتاۋ باسقارماسى كوروناۆيرۋسپەن كٷرەستە قاجەت قورعانىش كيٸمدەرٸن نەگٸزسٸز قىمبات باعاعا ساتىپ العان, دەپ حابارلايدى "ۇلت اقپارات".
سقو سىبايلاس جەمقورلىققا قارسى قىزمەت دەنساۋلىق ساقتاۋعا قاتىستى ٷش مەملەكەتتٸك ۇيىمدى تەكسەرٸپ, سىبايلاس جەمقورلىق تەۋەكەلدەرٸنە سىرتقى تالداۋ جٷرگٸزدٸ.
مۇنداي تالداۋ جۇمىسى بارلىق ٶڭٸرلەر بويىنشا ۇيىمداستىرىلعان. نەتيجەسٸ بويىنشا رەسپۋبليكالىق دەڭگەيدە شارا قولدانىلادى.
«سقو دەنساۋلىق ساقتاۋ باسقارماسىنا, سقو سانيتارييالىق-ەپيدەميولوگييالىق باقىلاۋ دەپارتامەنتٸ مەن ونىڭ پەتروپاۆلداعى باسقارماسىنىڭ جۇمىسىنا تالداۋ جٷرگٸزٸلدٸ. جۇمىس بارىسىندا COVID-19-بەن كٷرەسكە بٶلٸنگەن قاراجاتتىڭ ماقساتتى جۇمسالۋى, ياعني جەكە قورعانىش قۇرالدارىن, مەديتسينالىق جابدىقتاردى تيٸمدٸ باعاعا جەتكٸلٸكتٸ تٷردە ساتىپ الۋ جاعدايلارى جەنە مەديتسينا قىزمەتكەرلەرٸنە ٷستەمەاقى تٶلەۋگە بٶلٸنگەن بيۋدجەتتٸڭ دۇرىس يگەرٸلۋٸ تەكسەرٸلدٸ. سىرتقى تالداۋ بارىسىندا بٸرقاتار ولقىلىق انىقتالىپ, سىبايلاس جەمقورلىققا جول بەرەتٸن جاعدايلاردى جويۋعا 41 ۇسىنىس جاسالدى», - دەيدٸ قر سىبايلاس جەمقورلىققا قارسى ٸس-قيمىل اگەنتتٸگٸنٸڭ سقو بويىنشا دەپارتامەنت جەتەكشٸسٸ جارقىن عالىموۆ.
سىبايلاس جەمقورلىققا قارسى قىزمەت جٷرگٸزگەن سىرتقى تالداۋ نەتيجەسٸندە سانيتارييالىق-ەپيدەميولوگييالىق باقىلاۋ دەپارتامەنتٸنٸڭ جۇمىسىندا نەگٸزگٸ قاۋٸپتٸ ايماقتار انىقتالدى.
«ەكٸمشٸلٸك قۇقىقبۇزۋشىلىق تۋرالى كودەكستٸڭ 425-بابى 1-بٶلٸمٸن ەمبەباپ دەپ ايتۋعا بولادى. بۇل باپتى ازىق-تٷلٸك ٶنٸمٸن شىعارۋشىلار تەحنيكالىق رەگلامەنتتٸ جەنە مەديتسينالىق مەكەمەلەردٸڭ, قوعامدىق تاماقتانۋ ورىندارى مەن ساۋدا ورتالىقتارىنىڭ جاۋاپتى تۇلعالارى سانيتارلىق تالاپتاردى بۇزعاندا, ال 2020 جىلدىڭ جازىنان قاراپايىم تۇرعىندارعا كارانتيندٸك شارالاردى بۇزعانى ٷشٸن قولدانىلىپ كەلەدٸ», - دەيدٸ قر سىبايلاس جەمقورلىققا قارسى ٸس-قيمىل اگەنتتٸگٸنٸڭ سقو بويىنشا دەپارتامەنتتٸڭ باسقارما باسشىسى دامير حابيبۋلين.
بۇل باپتى بۇزعاندارعا 30 اەك – 87 510 تەڭگە ايىپپۇل سالىنادى. ماسكا تاقپاعانى ٷشٸن وسىنداي ٷلكەن كٶلەمدە ايىپپۇل تٶلەۋ وتباسى بيۋدجەتٸنە ايتارلىقتاي سالماق سالادى. ايتا كەتەتٸن تاعى بٸر جايت, ساۋدا ورتالىقتارىندا كارانتين تالاپتارىنىڭ ساقتالۋىنا جاۋاپتى تۇلعالارعا ماسكا تاقپاعانى ٷشٸن جەكە تۇلعا رەتٸندە دە دەل سول كٶلەمدە ايىپپۇل سالىنادى ەكەن.
«سانيتارييالىق-ەپيدەميولوگييالىق باقىلاۋ دەپارتامەنتٸنٸڭ قىزمەتكەرلەرٸنە ٷستەمەاقى تٶلەۋدە ولقىلىقتار انىقتالدى. كوروناۆيرۋسپەن كٷرەسكە جۇمىلدىرىلماعان ماماندار, ياعني قۇجاتپەن جۇمىس ٸستەگەن قىزمەتكەرلەرگە ٷستەمەاقى تٶلەنگەن. ارتىق تٶلەنگەن قاراجات – 500 مىڭ تەڭگەدەن اسادى. اقشا بيۋدجەتكە قايتارىلدى», - دەيدٸ دامير حابيبۋلين.
ال جەكە قورعانىش كيٸمدەرٸن ساتىپ الۋدا دەنساۋلىق ساقتاۋ باسقارماسى بيۋدجەت قاراجاتىن تيٸمسٸز جۇمساعان. تەكسەرٸس بارىسىندا مەكەمەنٸڭ كەسٸپكەردەن قورعانىش كيٸمدەرٸنٸڭ بٸر داناسىن 40 327 تەڭگەگە ساتىپ العانى انىقتالدى. وسىلايشا 27 ملن 664 مىڭ تەڭگەگە 686 داناسى الىنعان. دەل سول ۋاقىتتا «سك-فارماتسييا» جشس 7020 كوستيۋمدٸ 165 ملن 250 مىڭ تەڭگەگە العان. مۇندا بٸر داناسى 23 540 تەڭگەگە شىققان. باسقارماعا 115 ملن تەڭگەنٸ ٷنەمدەۋگە بولار ەدٸ.
سقو دەنساۋلىق ساقتاۋ باسقارماسى باسشىسىنىڭ ورىنباسارى نۇرلان ايمانوۆتىڭ ايتۋىنشا, ول ۋاقىتتا ەلدە تٶتەنشە جاعداي جارييالانىپ, ساتىپ الۋلاردى ەرەكشە تەرتٸپپەن جٷرگٸزۋگە تۋرا كەلگەن ەكەن.
