سولتٷستٸك قازاقستان وبلىسىندا ٸز-تٷزسٸز جوعالعان 31 جاستاعى ەر ادام ورمان ٸشٸنەن تابىلدى, دەپ حابارلايدى قازاقپارات.
سقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, پوليتسييا قىزمەتكەرلەرٸ تايىنشا اۋدانىنداعى ديميتروۆكا اۋىلىنىڭ 31 جاستاعى تۇرعىنىن ٸزدەپ تاپتى. ەر ادام دٸن امان. ول بٸرنەشە كٷن بويى ەسٸل اۋدانىنداعى توراڭعۇل اۋىلىنىڭ ماڭىنداعى ورماندا تۇرعان.
ەر ادامنىڭ جوعالعاندىعى تۋرالى ٶتٸنٸشتٸ 30 قىركٷيەك كٷنٸ ونىڭ اناسى تايىنشا اۋدانىنىڭ پوليتسييا بٶلٸمٸنە جازعان. ەيەلدٸڭ ايتۋىنشا, ۇلى 29 قىركٷيەك كٷنٸ كەشكە ۆاز-21120 اۆتوكٶلٸگٸنە وتىرىپ, بەلگٸسٸز جاققا كەتكەن.
ٸزدەۋ جۇمىستارىنا تايىنشا, ەسٸل, قىزىلجار, سونداي-اق وبلىستىق پوليتسييا اپپاراتىنىڭ قىزمەتكەرلەرٸ تارتىلدى. بارلىق پوليتسييا بٶلٸنٸستەرٸنە باعدارلار جٸبەرٸلدٸ, سونداي-اق ۆولونتەرلەر مەن ٸرٸ قوعامدىق بٸرلەستٸكتەردٸڭ ەكٸمشٸلەرٸ ەلەۋمەتتٸك جەلٸلەردە ٸز-تٷزسٸز جوعالعان ادامنىڭ سۋرەتتەرٸ مەن بەلگٸلەرٸ بار جازبالار ورنالاستىردى. پوليتسييا قىزمەتكەرلەرٸنٸڭ, جەرگٸلٸكتٸ تۇرعىنداردىڭ جەنە ۆولونتەرلەردٸڭ قارقىندى ٸزدەستٸرۋ جۇمىستارى نەتيجە بەردٸ. جەرگٸلٸكتٸ تۇرعىنداردىڭ بٸرٸ پوليتسەيلەرگە توراڭعۇل مەن يۆەرسك اراسىنداعى جولدا قاراۋسىز قالعان ۆاز كٶلٸگٸن كٶرگەنٸن ايتتى. اۆتوكٶلٸك ٸز-تٷسسٸز جوعالعان ادامعا تيەسٸلٸ بولىپ شىقتى. پوليتسييا قىزمەتكەرلەرٸ اۋماقتى تٷگەلدەي شارلادى, قىزمەتتٸك-ٸزدەستٸرۋ يتتەرٸ, سونداي-اق كۆادروكوپتەر پايدالانىلدى.
«ەر ادام ورماننان امان-ەسەن تابىلدى. وسى كٷندەرٸ, 29 قىركٷيەكتەن 2 قازاننىڭ تاڭىنا دەيٸن ول ورماندا بولعان: شۇڭقىر قازىپ, جەركەپە قۇراستىرىپ, المامەن قورەكتەنگەن. ەر ادام تۋىستارىنا قايتارىلدى, ٷيدەن كەتۋٸنٸڭ سەبەپتەرٸ انىقتالىپ جاتىر», - دەيدٸ كريمينالدىق پوليتسييا باسقارماسىنىڭ بٶلٸم باستىعى سەيٸلحان جۇماعۇلوۆ.
جىل باسىنان سولتٷستٸكقازاقستاندىق پوليتسەيلەر حابار-وشارسىز جوعالعاندار بويىنشا 323 ٶتٸنٸش قابىلدادى, ونىڭ 318-ٸ بويىنشا بٷگٸندە ٸزدەۋدەگٸلەر تابىلدى.
