سولتٷستٸك قازاقستان وبلىسىندا ۆاكتسيناتسييالاۋ بويىنشا تۇرعىنداردىڭ بەلسەندٸلٸگٸ تٶمەندەپ كەتتٸ. مامانداردىڭ ايتۋىنشا, جاعداي دۇرىستالماسا, ناۋقان جىل سوڭىنا دەيٸن جالعاسۋى مٷمكٸن, دەپ حابارلايدى "ۇلت اقپارات".
سقو-دا وسى كٷنگە دەيٸن 75 739 ادام كوروناۆيرۋسقا قارسى ۆاكتسينانىڭ بٸرٸنشٸ كومپونەنتٸن الدى. 42 171 ادام ۆاكتسيناتسييانىڭ تولىق كۋرسىنان ٶتتٸ.
ٶڭٸر بويىنشا ەكپە العاندار اراسىندا اسقىنۋلار تٸركەلمەگەن.
«ٶڭٸردە ۆاكتسينا الۋشىلاردىڭ قاتارى سوڭعى كەزدە ازايىپ كەتتٸ.
كوروناۆيرۋسقا قارسى ەكپە الۋدىڭ ماڭىزى زور. بۇل جايىندا ايتىپ كەلەمٸز. ەرينە, ەشكٸمدٸ مەجبٷرلەي المايمىز. ٶزٸنٸڭ, جاقىندارىنىڭ دەنساۋلىعىن ويلاعاندار ەكپە سالدىرىپ جاتىر», - دەيدٸ سقو دەنساۋلىق ساقتاۋ باسقارماسى باسشىسىنىڭ ورىنباسارى قۇمار كٷسەمٸسوۆ.
قازٸر وبلىستا ۆاكتسينا جەتكٸلٸكتٸ. ٷش تٷرلٸ پرەپاراتتىڭ 36 مىڭنان استام بٸرٸنشٸ كومپونەنتٸ جەنە 26 مىڭنان استام ەكٸنشٸ كومپونەنتٸ بار.
«ٶڭٸردە قازٸر ورتا ەسەپپەن كٷنٸنە 640-650 ادام ەكپە الادى. بۇعان دەيٸن كٷنٸنە 2 مىڭ, 3 مىڭ ادام ۆاكتسينا قويدىرعان كەزدەر بولدى. قازٸر تۇرعىندار تاراپىنان بەلسەندٸلٸك تٶمەندەپ كەتتٸ. بٸز ۆاكتسيناتسييانى قىركٷيەك ايىنا دەيٸن اياقتاۋدى جوسپارلاعان ەدٸك. بٸراق جاعداي وسىلاي جالعاساتىن بولسا, ۆاكتسيناتسييا جىل سوڭىنا دەيٸن سوزىلىپ كەتۋٸ مٷمكٸن», - دەيدٸ قۇمار كٷسەمٸسوۆ.
جالپى سقو-دا وسى كٷنگە دەيٸن كوروناۆيرۋستى 15 مىڭعا جۋىق ادام جۇقتىردى. ولاردىڭ 14 314-ٸ جازىلىپ شىقتى. ٶڭٸردە سىرقاتتارعا ارنالعان 630 ينفەكتسييالىق ورىن بار. ول 28 پايىزعا تولىق, ياعني 78 ادام ەم الىپ جاتىر.
64 ورىن جانساقتاۋ بٶلٸمشەسٸندە بولسا, وندا اۋىر حالدەگٸ 17 ادام جاتىر.
