Soltústik Qazaqstan oblysynda vaktsinatsiialaý boiynsha turǵyndardyń belsendiligi tómendep ketti. Mamandardyń aitýynsha, jaǵdai durystalmasa, naýqan jyl sońyna deiin jalǵasýy múmkin, dep habarlaidy "Ult aqparat".
SQO-da osy kúnge deiin 75 739 adam koronavirýsqa qarsy vaktsinanyń birinshi komponentin aldy. 42 171 adam vaktsinatsiianyń tolyq kýrsynan ótti.
Óńir boiynsha ekpe alǵandar arasynda asqynýlar tirkelmegen.
«Óńirde vaktsina alýshylardyń qatary sońǵy kezde azaiyp ketti.
Koronavirýsqa qarsy ekpe alýdyń mańyzy zor. Bul jaiynda aityp kelemiz. Árine, eshkimdi májbúrlei almaimyz. Óziniń, jaqyndarynyń densaýlyǵyn oilaǵandar ekpe saldyryp jatyr», - deidi SQO densaýlyq saqtaý basqarmasy basshysynyń orynbasary Qumar Kúsemisov.
Qazir oblysta vaktsina jetkilikti. Úsh túrli preparattyń 36 myńnan astam birinshi komponenti jáne 26 myńnan astam ekinshi komponenti bar.
«Óńirde qazir orta eseppen kúnine 640-650 adam ekpe alady. Buǵan deiin kúnine 2 myń, 3 myń adam vaktsina qoidyrǵan kezder boldy. Qazir turǵyndar tarapynan belsendilik tómendep ketti. Biz vaktsinatsiiany qyrkúiek aiyna deiin aiaqtaýdy josparlaǵan edik. Biraq jaǵdai osylai jalǵasatyn bolsa, vaktsinatsiia jyl sońyna deiin sozylyp ketýi múmkin», - deidi Qumar Kúsemisov.
Jalpy SQO-da osy kúnge deiin koronavirýsty 15 myńǵa jýyq adam juqtyrdy. Olardyń 14 314-i jazylyp shyqty. Óńirde syrqattarǵa arnalǵan 630 infektsiialyq oryn bar. Ol 28 paiyzǵa tolyq, iaǵni 78 adam em alyp jatyr.
64 oryn jansaqtaý bólimshesinde bolsa, onda aýyr haldegi 17 adam jatyr.
