سولتٷستٸك قازاقستان وبلىسىندا مەديتسينالىق ۇيىمدارعا مونيتورينگ جٷرگٸزٸلٸپ, نەتيجەسٸندە قىزمەت كٶرسەتۋگە قاتىستى 32 مىڭنان استام ولقىلىق انىقتالدى, - دەپ حابارلايدى "ۇلي اقپارات".
«ەلەۋمەتتٸك مەديتسينالىق ساقتاندىرۋ قورى» كەاق سقو بويىنشا فيليالى مەديتسينالىق ۇيىمدارعا مونيتورينگ جٷرگٸزٸپ, 5 ايدىڭ قورىتىندىسىن شىعاردى. نەتيجەسٸندە مەديتسينالىق قىزمەت كٶرسەتۋگە قاتىستى 32 682 كەمشٸلٸك انىقتالدى.
باسپاسٶز قىزمەتٸنٸڭ مەلٸمەتٸنشە, وبلىس تۇرعىندارىنا كٶرسەتٸلەتٸن مەديتسينالىق قىزمەتتٸڭ ساپاسى مەن قولجەتٸمدٸلٸگٸن ارتتىرۋ ماقساتىندا ٶڭٸردٸڭ دەنساۋلىق ساقتاۋ ۇيىمدارىنىڭ جۇمىسىنا ٷنەمٸ مونيتورينگ جٷرگٸزٸلەدٸ. كەمشٸن تۇستار بار. 5 ايدىڭ قورىتىندىسى بويىنشا ەڭ كٶپ كەمشٸلٸك امبۋلاتورييالىق-ەمحانالىق كٶمەك كٶرسەتەتٸن ۇيىمدار اراسىندا, اتاپ ايتقاندا كونسۋلتاتسييالىق-دياگنوستيكالىق قىزمەتتەرگە قاتىستى انىقتالعان. مەديتسينالىق كٶمەكتٸڭ وسى تٷرٸ بويىنشا 26 مىڭنان استام فاكتٸ تٸركەلگەن. ال ستاتسيونارلىق جەنە ستاتسيوناردى الماستىراتىن كٶمەك كٶرسەتۋگە قاتىستى 4 مىڭنان ارتىق كەمشٸلٸك انىقتالدى, ولار بويىنشا 368,8 ملن تەڭگە سوماسىندا ايىپپۇل سالىندى.
«جەدەل جەردەم قىزمەتٸندە 186 جاعداي تٸركەلدٸ. بۇل – ەڭ ازى. نەگٸزٸنەن ەمدەۋ-دياگنوستيكالىق ٸس-شارالارى ستاندارتتارىنان اۋىتقۋ, مەديتسينالىق قۇجاتتامانى ساپاسىز جٷرگٸزۋ, قىزمەتتەر قۇنىنىڭ نەگٸزسٸز قىمباتتاۋى جەنە مەديتسينالىق قىزمەت كٶرسەتۋدٸڭ راستالماعان فاكتٸلەرٸ انىقتالدى», - دەيدٸ ماماندار.
سونىمەن قاتار قوردىڭ سقو فيليالى ساراپشىلارى ٸس جٷزٸندە كٶرسەتٸلمەگەن قىزمەتتەردٸڭ 313 جاعدايىن, ياعني قوسىپ جازۋدى انىقتادى. بۇل جاعدايلاردىڭ بارلىعى امبۋلاتورييالىق-ەمحانالىق كٶمەككە قاتىستى. ايىپپۇل سانكتسييالارى قولدانىلا وتىرا 1,2 ملن تەڭگەدەن استام قاراجات تٶلەمنەن الىندى, بۇل اقشا كەيٸن مەديتسينالىق كٶمەكتٸ قارجىلاندىرۋعا جۇمسالادى. ال جٷرگٸزٸلگەن جۇمىستىڭ نەتيجەسٸ بويىنشا اقپارات دەنساۋلىق ساقتاۋ باسقارماسىنا تيٸستٸ شارا قابىلداۋ ٷشٸن جٸبەرٸلدٸ.
