سولتٷستٸك قازاقستان وبلىسىندا پروباتسييا قىزمەتٸنٸڭ ينسپەكتورىنا پارا بەرگەن سوتتالۋشى ەندٸ ٷلكەن مٶلشەردە ايىپپۇل تٶلەۋٸ نەمەسە 5 جىلعا دەيٸن باس بوستاندىعىنان ايىرىلۋى مٷمكٸن, دەپ حابارلايدى قازاقپارات.
سقو بويىنشا قىلمىستىق اتقارۋ جٷيەسٸ دەپارتامەنتٸ باسپاسٶز قىزمەتٸنٸڭ مەلٸمەتٸنشە, پەتروپاۆل قالاسىنىڭ پروباتسييا قىزمەتٸ بٶلٸمٸنە جازاسىن ٶتەۋ ٷشٸن ك. ەسٸمدٸ سوتتالۋشى جٸبەرٸلگەن.
وعان قر قك 296-بابى 2-بٶلٸگٸ «ەسٸرتكٸ قۇرالدارىن, پسيحوتروپتىق زاتتاردى, سول تەكتەستەردٸ ٶتكٸزۋ ماقساتىنسىز زاڭسىز دايىنداۋ, قايتا ٶڭدەۋ, ساتىپ الۋ, ساقتاۋ, تاسىمالداۋ» بويىنشا 80 ساعاتتىق قوعامدىق جۇمىس تٷرٸندە جازا كەسٸلگەن.
الايدا پەتروپاۆل تۇرعىنى قوعامدىق جۇمىس ٸستەۋدەن ٷزٸلدٸ-كەسٸلدٸ باس تارتقان.
جۇمىس كٷنٸنٸڭ سوڭىندا ساعات 19.00 شاماسىندا ول پروباتسييا قىزمەتٸ بٶلٸمٸنە كەلٸپ, قوعامدىق جۇمىستى ورىنداۋدان بوساتىپ, وسى مەسەلەنٸ شەشۋدە كٶمەكتەسۋٸ ٷشٸن ينسپەكتورعا پارا ۇسىنعان.
سوتتالعان پروبلەماسىن بٸرنەشە رەت وسىلاي شەشۋگە تىرىسقاندىقتان, پروباتسييا قىزمەتٸ بٶلٸمٸنٸڭ ينسپەكتورى ونىڭ ۇسىنىسىنا كەلٸسكەندەي سىڭاي تانىتىپ, بۇل جايىندا دەپارتامەنتتٸڭ ٶزٸندٸك قاۋٸپسٸزدٸك توبىنا حابارلادى.
جەدەل ٸس-شارا بارىسىندا سوتتالعان كابينەتتە پروباتسييا قىزمەتٸنٸڭ ينسپەكتورىنا 30 مىڭ تەڭگە سوماسىندا پارا بەرٸپ جاتقان جەرٸندە ۇستالدى.
اتالعان فاكتٸ بويىنشا قىلمىستىق ٸس قوزعالدى.
قازٸرگٸ ۋاقىتتا تەرگەۋ امالدارى جٷرگٸزٸلۋدە, سوتتالعان ك-عا پارانىڭ 20-30 ەسەلەنگەن مٶلشەرٸندە ايىپپۇل سالىنباق نەمەسە بەس جىلعا دەيٸنگٸ مەرزٸمگە باس بوستاندىعىنان ايىرىلۋى مٷمكٸن.
