سولتٷستٸك قازاقستان وبلىسىندا بيىل قۋاڭشىلىق سالدارىنان جەمازىق جەتٸسپەۋشٸلٸگٸ مەسەلەسٸ تۋىنداۋى مٷمكٸن, دەپ حابارلايدى "ۇلت اقپارات".
جەرٸ قۇنارلى, شٶبٸ شٷيگٸن كەلەتٸن سقو بيىل قۋاڭشىلىقتىڭ زاردابىن تارتۋى ىقتيمال. كٶكتەمدە جايقالىپ شىققان كٶك شٶپ جاۋىن-شاشىننىڭ ازدىعىنان كٷيٸپ كەتتٸ. شابىندىققا شالعى سالعان اۋىل تۇرعىندارىنىڭ ايتۋىنشا, اعاشتاردىڭ باۋرايىندا عانا ازىن-اۋلاق شٶپ بار.
«وبلىستا كەي شارۋاشىلىقتار مەن تۇرعىندار شٶپ شابۋدى باستاپ كەتتٸ. بٷگٸنگە دەيٸن 14,5 مىڭ توننا شٶپ جينالدى. بۇل بارلىق قاجەتتٸلٸكتٸڭ 1,9 %- ى. جالپى ٶڭٸر 750 مىڭ توننا شٶپ جيناۋدى جوسپارلاعان», - دەيدٸ سقو اۋىل شارۋاشىلىعى جەنە جەر قاتىناستارى باسقارماسى اگرونومييا بٶلٸمٸنٸڭ باسشىسى باقتييار توقجٸگٸتوۆ.
مامانداردىڭ ايتۋىنشا, ٶڭٸردە جاپپاي شٶپ شابۋ شٸلدە ايىنىڭ ورتاسىندا باستالادى.
«بيىلعى اۋا رايىنا بايلانىستى جەم-شٶپ جەتٸسپەۋشٸلٸگٸ مەسەلەسٸن شەشۋدە بارلىق تيٸستٸ شارالاردى قولعا الۋىمىز قاجەت. سونىڭ بٸرٸ - كٷزگٸ وراق كەزٸندە ساباندى ۇساقتاماي, ونى جەمازىققا پايدالانۋ», - دەيدٸ باٶتييار توقجٸگٸتوۆ.
بۇل مەسەلەنٸ ٶڭٸر باسشىسى قۇمار اقساقالوۆ تا نازاردا ۇستاپ وتىر.
«بيىل جاۋىن-شاشىن از. ىلعالدىڭ جەتٸسپەۋشٸلٸگٸنەن شٶپ شىققان جوق. دەسەك تە مالدارعا جەمازىقتى ارتىعىمەن بولماسا دا, قاجەتٸنشە جيناپ الامىز. شارۋاشىلىقتاردى دا ەسكەرتٸپ جاتىرمىز, بيىل ساباندى دا پايدالانۋعا تۋرا كەلەدٸ», - دەدٸ باق ٶكٸلدەرٸمەن كەزدەسۋ بارىسىندا وبلىس ەكٸمٸ.
بىلتىر ٶڭٸر شٶپتٸ ارتىعىمەن جيناپ الدى. 750 توننا قاجەت بولسا, جوسپار 100,2 %-عا ورىندالدى. بۇعان قوسىمشا قىسقا 195,6 توننا سٷرلەم, 1319,2 مىڭ توننا سابان جەنە 207,7 مىڭ توننا پٸشەن ەزٸرلەدٸ.
