Soltústik Qazaqstan oblysynda biyl qýańshylyq saldarynan jemazyq jetispeýshiligi máselesi týyndaýy múmkin, dep habarlaidy "Ult aqparat".
Jeri qunarly, shóbi shúigin keletin SQO biyl qýańshylyqtyń zardabyn tartýy yqtimal. Kóktemde jaiqalyp shyqqan kók shóp jaýyn-shashynnyń azdyǵynan kúiip ketti. Shabyndyqqa shalǵy salǵan aýyl turǵyndarynyń aitýynsha, aǵashtardyń baýraiynda ǵana azyn-aýlaq shóp bar.
«Oblysta kei sharýashylyqtar men turǵyndar shóp shabýdy bastap ketti. Búginge deiin 14,5 myń tonna shóp jinaldy. Bul barlyq qajettiliktiń 1,9 %- y. Jalpy óńir 750 myń tonna shóp jinaýdy josparlaǵan», - deidi SQO aýyl sharýashylyǵy jáne jer qatynastary basqarmasy agronomiia bóliminiń basshysy Baqtiiar Toqjigitov.
Mamandardyń aitýynsha, óńirde jappai shóp shabý shilde aiynyń ortasynda bastalady.
«Biylǵy aýa raiyna bailanysty jem-shóp jetispeýshiligi máselesin sheshýde barlyq tiisti sharalardy qolǵa alýymyz qajet. Sonyń biri - kúzgi oraq kezinde sabandy usaqtamai, ony jemazyqqa paidalaný», - deidi Baótiiar Toqjigitov.
Bul máseleni óńir basshysy Qumar Aqsaqalov ta nazarda ustap otyr.
«Biyl jaýyn-shashyn az. Ylǵaldyń jetispeýshiliginen shóp shyqqan joq. Desek te maldarǵa jemazyqty artyǵymen bolmasa da, qajetinshe jinap alamyz. Sharýashylyqtardy da eskertip jatyrmyz, biyl sabandy da paidalanýǵa týra keledi», - dedi BAQ ókilderimen kezdesý barysynda oblys ákimi.
Byltyr óńir shópti artyǵymen jinap aldy. 750 tonna qajet bolsa, jospar 100,2 %-ǵa oryndaldy. Buǵan qosymsha qysqa 195,6 tonna súrlem, 1319,2 myń tonna saban jáne 207,7 myń tonna pishen ázirledi.
