سولتٷستٸك قازاقستان وبلىسىندا كوروناۆيرۋس جۇقتىرعان العاشقى ناۋقاس ەمدەلٸپ شىقتى. بۇل جايىندا بٷگٸن ٶڭٸرلٸك كوممۋنيكاتسييالار قىزمەتٸندە دەنساۋلىق ساقتاۋ باسقارماسىنىڭ جەتەكشٸسٸ تيمۋر سۇلتانعازيەۆ ايتتى, دەپ حابارلايدى "ۇلت اقپارات".
جۇقپالى ٸندەتتەن تەۋٸر بولعان - پەتروپاۆل قالاسىنىڭ تۇرعىنى. ەندٸ ول 14 كٷن دەرٸگەرلەردٸڭ باقىلاۋىنا الىنىپ, ٷي كارانتينٸندە وتىرادى.
«بٷگٸندە ينفەكتسييالىق ستاتسيوناردا 24 ادام جاتىر. ولاردىڭ جاعدايلارى جاقسى. اۋرۋدىڭ كلينيكالىق بەلگٸلەرٸ جوق, دەنە قىزۋى قالىپتى. جۇقتىرعانداردىڭ باسىم بٶلٸگٸ ينفەكتسييانى تاسىمالداۋشى, سول سەبەپتٸ جاعدايلارى قالىپتى. ەمدەۋ حاتتاماسىنا ساي ەمدٸك ٸس-شارالار جٷرگٸزٸلٸپ جاتىر», - دەدٸ تيمۋر سۇلتانعازيەۆ.
بۇدان باسقا پروۆيزورلىق ستاتسيوناردا 68 ادام جاتىر. ولار جەدەل رەسپيراتورلىق ۆيرۋستىق ينفەكتسييا بەلگٸلەرٸمەن تٷسكەندەر, بٸراق ولاردا كوروناۆيرۋس ينفەكتسيياسى انىقتالماعان. كارانتيندٸك ستاتسيونارلاردا 230 ادام بار. ولاردىڭ باسىم بٶلٸگٸ – جۇقپالى ٸندەتتٸ جۇقتىرعاندارمەن جاقىن قارىم-قاتىناستا بولعاندار. ٷي كارانتينٸندە 1137 ادام وتىرسا, دەرٸگەرلەر تاعى 266 ادامدى قاشىقتان باقىلاۋعا العان.
«قوسىمشا تاعى 10 رەانيماتسييالىق ورىن ەزٸرلەدٸك. ەكسپەرتتٸك كلاسسقا جاتاتىن 5 جاساندى تىنىس الۋ اپپاراتى الىندى. بۇل جۇمىستار جاعدايى اۋىر ناۋقاستار تٷسەتٸن بولسا الدىن الا دايىن وتىرۋ ٷشٸن اتقارىلدى», - دەدٸ تيمۋر سۇلتانعازيەۆ.
