سولتٷستٸك قازاقستان وبلىسىندا بيىل قىس قالىپتان تىس جىلى جەنە قارلى بولدى, دەپ حابارلايدى "ۇلت اقپارات".
«قازگيدرومەت» رمك سقوف مەلٸمەتٸنشە, ماماندار ٶڭٸردەگٸ 19 گيدرولوگييالىق بەكەتتەن مونيتورينگ جٷرگٸزەدٸ. جاقىندا ولار كٶكتەمگٸ سۋ تاسقىنى بويىنشا مەملەكەتتٸك ورگاندار مەن ەكٸمدٸكتەرگە الدىن الا كونسۋلتاتيۆتٸك گيدرولوگييالىق بولجامدى جاساپ بەردٸ.
بيىل سقو-دا قار مولىنان جاۋدى. قازٸرگٸ ۋاقىتتا سينوپتيكتەر اۋداندارداعى قاردىڭ قالىڭدىعىن ٶلشەپ, تالداۋ جاساپ جاتىر. ەسٸرەسە ع.مٷسٸرەپوۆ, ايىرتاۋ اۋداندارىندا جاعداي كٷردەلٸ, مۇندا كٶپ مٶلشەر تٸركەلگەن. ٶتكەن ايمەن سالىستىرعاندا قاردىڭ قالىڭدىعى 1,5 ەسەگە ارتسا, بۇل ٶتكەن جىلعى كٶرسەتكٸشتەن 4 ەسە كٶپ.
«بيىل قاردىڭ كٶپتٸگٸنەن سقو, شقو, قاراعاندى, اقمولا جەنە قوستاناي وبلىستارىندا سۋ تاسيدى دەپ كٷتٸلۋدە. قازٸر ٶڭٸردەگٸ سەرگەەۆ سۋ قويماسىندا 660 ملن تەكشە مەتر سۋ بار, ياعني 95 % تولعان. بۇل 2017 جىلعى كٶرسەتكٸشكە تەڭ», - دەيدٸ «قازگيدرومەت» رمك سقوف ديرەكتورى قىمبات مەرعاليموۆا.
بيىل قىستىڭ قالىپتان تىس جىلى بولۋىنا بايلانىستى بٸرنەشە ٶزەندە سۋداعى مۇز قوزعالا باستاعان. ەسٸل ٶزەنٸندەگٸ مۇزدىڭ قالىڭدىعى قازٸر 15-30 سم ارالىعىندا عانا. بۇل بىلتىرعىدان شامامەن 3 ەسە از.
«ناۋرىز ايىنىڭ ورتاشا تەمپەراتۋراسى مينۋس 6-8 ارالىعىندا بولادى دەپ كٷتٸلۋدە. بۇل ەدەتتەگٸ نورمادان 1 گرادۋسقا جوعارى. ايدىڭ باسىندا قار جاۋسا, ورتا شەنٸنە قاراي قاردىڭ ارتى جاڭبىرعا ۇلاسادى. ناۋرىزدىڭ ەكٸنشٸ ون كٷندٸگٸندە اۋا تەمپەراتۋراسى ايتارلىقتاي جىلىپ, قار قارقىندى تٷردە ەري باستايدى», - دەيدٸ قىمبات مەرعاليموۆا.
