سقو-دا حايۋاناتتار باعىنا جۇمىس ٸستەۋگە كەلگەن ەر ادام قولىنان ايىرىلدى

فوتو: وفيتسيالنىي سايت مەرا موسكۆى/mos.ru

سولتٷستٸك قازاقستان وبلىسى قىزىلجار اۋدانىندا ەر ادامدى ايۋ تٸستەپ الدى, دەپ حابارلايدى Sputnik قازاقستان وبلىستىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.

وقيعا "اباكشينو" دەمالىس اۋماعىنداعى حايۋاناتتار باعىندا بولعان.

"43 جاستاعى ەر ادام حايۋاناتتار پاركٸنە جۇمىسشى رەتٸندە ورنالاسقان. ول اۋماقتى جيناۋ جەنە جانۋارلاردى ازىقتاندىرۋ ٷشٸن قىزمەت كٶرسەتۋ شارتى بويىنشا سىناق مەرزٸمٸندە جٷرگەن. سول كەزدە وعان قوڭىر ايۋ شابۋىل جاساعان", - دەيدٸ ۆەدومستۆو.

ەر ادام جەدەل جەردەممەن اۋرۋحاناعا جەتكٸزٸلگەن.

"دەرٸگەرلەر وتا جاساپ, قاتتى جارالانعان بٸر قولىن كەستٸ. قازٸرگٸ كٷنٸ ەكٸنشٸ قولىن امان الىپ قالۋ ٷشٸن كٷرەسٸپ جاتىر", - دەيدٸ وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸ.

بۇل دەرەككە قاتىستى قازاقستان قىلمىستىق كودەكسٸنٸڭ 156-بابى 2-بٶلٸگٸ "ەڭبەكتi قورعاۋ قاعيدالارىن بۇزۋ" بويىنشا سوتقا دەيٸنگٸ تەرگەۋ جٷرٸپ جاتىر.