فوتو: Gov.kz
سەنات تٶراعاسى مەۋلەن ەشٸمباەۆ جۇمىسشى ماماندىقتار جىلىنا ارنالعان پارلامەنتتٸك تالقىلاۋدا سولتٷستٸك قازاقستان وبلىسىنداعى دەموگرافييالىق جاعدايعا الاڭدايتىنىن بٸلدٸردٸ, دەپ حابارلايدى Ult.kz قازاقپاراتقا سٸلتەمە جاساپ.
"بۇل – سالماقتى پروبلەما. بٸر عانا سولتٷستٸك قازاقستاندا حالىقتىڭ كٶشٸپ كەتۋٸ توقتاماي تۇر. سەيكەسٸنشە تۇرعىندار سانى ازايىپ جاتىر. ونىڭ تابيعي فاكتورى دا. ودان بٶلەك جاستاردىڭ كەيبٸر كٶرشٸ ەلدەرگە كٶشٸپ كەتۋٸ بار. بٸرٸنشٸ وقۋعا تٷسەدٸ, كەيٸن سول جاققا جۇمىسقا شاقىرادى. شىعىس قازاقستان, پاۆلودار وبلىستارىندا دا وسىعان ۇقساس تەندەنتسييا بار دەپ ويلايمىن. كٶپ ەل جاس مامانداردى ٶزٸنە تارتۋعا مٷددەلٸ. ٶز ماماندارىمىزدى ٶزٸمٸزدە قالدىرۋ نەگٸزگٸ مٸندەت بولۋى كەرەك", - دەدٸ سەنات سپيكەرٸ.
سونداي-اق وڭتٷستٸكتەن سولتٷستٸككە باعىتتالعان ەڭبەك ميگراتسيياسىن قولداۋدىڭ تەتٸكتەرٸن قايتا قاراۋ كەرەكتٸگٸن ايتتى.
"وڭتٷستٸكتەگٸ ارتىق جۇمىس كٷشٸن سولتٷستٸكتەگٸ ەڭبەك كٷشٸ تاپشى ٶڭٸرلەرگە كٶشٸرۋ باعدارلاماسىن قايتا قاراۋ كەرەك شىعار. بۇعان دەيٸنگٸ باعدارلامالار تيٸمسٸز بولىپ شىقتى. كەلگەندە ادامدار قايتا كٶشٸپ كەتٸپ جاتتى نەمەسە سونشالىق بٸر قىزىعۋشىلىق بولعان جوق. تٸپتٸ بەلگٸلٸ بٸر جەمقورلىق مەسەلەلەرٸ, قارجىنى تيٸمسٸز يگەرۋ سەتتەرٸ بولدى. سولاي بولدى ەكەن دەپ ول باعدارلامالاردان مٷلدە باس تارتۋعا دا بولمايدى. قايتا قاراپ, كەيبٸر تۇسىن قىسقارتىپ, جاڭا باعدارلامانى وسىعان دەيٸن قاتەلٸكتەردٸ ەسكەرٸپ, بەرٸمٸز بٸرگە اقىلداسا وتىرىپ بەكٸتۋ كەرەك شىعار", - دەدٸ مەۋلەن ەشٸمباەۆ.
اتالعان جيىندا ول ٶندٸرٸستەگٸ تٶتەنشە وقيعالاردىڭ 44 پايىزى قاراعاندى, ۇلىتاۋ جەنە شىعىس قازاقستان وبلىستارىندا تٸركەلەتٸنٸن ايتتى.
