Foto: Gov.kz
Senat tóraǵasy Máýlen Áshimbaev Jumysshy mamandyqtar jylyna arnalǵan parlamenttik talqylaýda Soltústik Qazaqstan oblysyndaǵy demografiialyq jaǵdaiǵa alańdaitynyn bildirdi, dep habarlaidy Ult.kz QazAqparatqa silteme jasap.
"Bul – salmaqty problema. Bir ǵana Soltústik Qazaqstanda halyqtyń kóship ketýi toqtamai tur. Sáikesinshe turǵyndar sany azaiyp jatyr. Onyń tabiǵi faktory da. Odan bólek jastardyń keibir kórshi elderge kóship ketýi bar. Birinshi oqýǵa túsedi, keiin sol jaqqa jumysqa shaqyrady. Shyǵys Qazaqstan, Pavlodar oblystarynda da osyǵan uqsas tendentsiia bar dep oilaimyn. Kóp el jas mamandardy ózine tartýǵa múddeli. Óz mamandarymyzdy ózimizde qaldyrý negizgi mindet bolýy kerek", - dedi Senat spikeri.
Sondai-aq ońtústikten soltústikke baǵyttalǵan eńbek migratsiiasyn qoldaýdyń tetikterin qaita qaraý kerektigin aitty.
"Ońtústiktegi artyq jumys kúshin soltústiktegi eńbek kúshi tapshy óńirlerge kóshirý baǵdarlamasyn qaita qaraý kerek shyǵar. Buǵan deiingi baǵdarlamalar tiimsiz bolyp shyqty. Kelgende adamdar qaita kóship ketip jatty nemese sonshalyq bir qyzyǵýshylyq bolǵan joq. Tipti belgili bir jemqorlyq máseleleri, qarjyny tiimsiz igerý sátteri boldy. Solai boldy eken dep ol baǵdarlamalardan múlde bas tartýǵa da bolmaidy. Qaita qarap, keibir tusyn qysqartyp, jańa baǵdarlamany osyǵan deiin qatelikterdi eskerip, bárimiz birge aqyldasa otyryp bekitý kerek shyǵar", - dedi Máýlen Áshimbaev.
Atalǵan jiynda ol óndiristegi tótenshe oqiǵalardyń 44 paiyzy Qaraǵandy, Ulytaý jáne Shyǵys Qazaqstan oblystarynda tirkeletinin aitty.
