سولتٷستٸك قازاقستان وبلىسىندا ەيەلدٸ الداپ, ونىڭ 600 مىڭ تەڭگە تۇراتىن ەكٸ جٷزٸگٸن الىپ كەتكەن ەيەل ۇستالدى, دەپ حابارلايدى "ۇلت اقپارات".
سقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, م.جۇماباەۆ اۋدانىنىڭ پوليتسييا بٶلٸمٸنە وبلىس ورتالىعىنىڭ 68 جاستاعى تۇرعىنىنان ارىز تٷستٸ.
ونىڭ ايتۋىنشا, الاياق ونى الداپ, 600 مىڭ تەڭگە تۇراتىن ەكٸ التىن جٷزٸگٸن الىپ كەتكەن.
جەبٸرلەنۋشٸ ەيەلدٸڭ م.جۇماباەۆ اۋدانىنىڭ ورتالىعى بۋلاەۆتا بازاردا بۋتيگٸ بار. وعان بەيتانىس كەكسە ەيەل بٸرنەشە رەت كەلٸپ, جۇمىس ورنىن الاستاپ بەرۋدٸ ۇسىنعان.
باستاپقىدا بۇل ۇسىنىستان باس تارتقانىمەن, كەيٸن جەبٸرلەنۋشٸ كەلٸسٸمٸن بەرگەن.
«ەمشٸ» ەيەل تاۋىق جۇمىرتقاسىمەن الاستاۋ رەسٸمٸن جٷرگٸزٸپ, كەيٸن بارلىق پەلە-جالا كەتۋٸ ٷشٸن قۇندى زات بەرۋدٸ سۇراعان.
ونى جەكە پايدا تابۋ ماقساتىندا ەمەس, ٶرتەۋ ٷشٸن العانىن ايتقان.
ەيەل قولىنداعى ەكٸ التىن جٷزٸگٸن شەشٸپ بەرٸپ, قولىنا تاعى 20 مىڭ تەڭگە ۇستاتىپتى.
بٸراز ۋاقىتتان كەيٸن ەسٸن جيعان ول جاعدايدى باعالاپ, «ەمشٸگە» قوڭىراۋ شالعان. جاۋاپ بەرمەگەسٸن پوليتسيياعا ارىزدانۋىنا تۋرا كەلٸپتٸ.
ماعجان جۇماباەۆ اۋدانىنىڭ پوليتسييا بٶلٸمٸ كريمينالدىق پوليتسييا قىزمەتكەرلەرٸ كٷدٸكتٸنٸ ۇستادى.
ول جۋىردا بۋلاەۆ قالاسىنداعى تانىسىنا كەلگەن اقمولا وبلىسىندا تۇراتىن 67 جاستاعى ەيەل بولىپ شىقتى. ساقينا تەركٸلەندٸ.
اتالعان فاكتٸ «الاياقتىق» بابى بويىنشا تٸركەلدٸ.
كٷدٸكتٸ قولحاتپەن بوساتىلدى. تەرگەۋ جٷرٸپ جاتىر.
