پەتروپاۆلدا تامىز ايىنىڭ سوڭىندا ٷيٸنەن ساياجايعا شىعىپ كەتكەن ەيەل بٷگٸنگە دەيٸن تابىلماي جاتىر, دەپ حابارلايدى "ۇلت اقپارات" .
سولتٷستٸك قازاقستان وبلىسى پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, پەتروپاۆل تۇرعىنى نادەجدا ميحايلوۆنا اگافونوۆا 1939 جىلى تۋعان. ول 28 تامىزدا تاڭەرتەڭگٸ ساعات 8.00 شاماسىندا ٷيٸنەن «جيگۋلي» ساياجاي قوعامىندا ورنالاسقان ساياجايىنا بارماقشى بولىپ شىققان. سودان ۇشتى-كٷيلٸ جوق.
كەيۋانا ۇمىتشاقتىق اۋرۋىمەن اۋىرادى. دەنە بٸتٸمٸ ارىقشا كەلگەن, بويى شامامەن 160-165 سم, شاشى اقشىل قىسقا, كٶزٸ كٶك. سول كٷنٸ ٷستٸندە قارا شالبار, ۇزىن كٷرەڭ قىزىل كٷرتە, قوڭىر ەتٸك, باسىندا كٶك ورامال بولعان.
جوعالعان ادامداردى ٸزدەۋمەن كريمينالدىق پوليتسييا قىزمەتٸ اينالىسادى. تەك پەتروپاۆل قالاسىندا جىل باسىنان بەرٸ ٸز-تٷسسٸز جوعالعان 27 ازاماتقا ٸزدەۋ جارييالاندى. ولاردىڭ 26-نىڭ جٷرگەن جەرٸ انىقتالدى. ال 28 تامىزدا جوعالعان زەينەتكەر نادەجدا اگافونوۆا تابىلماعانداردىڭ قاتارىندا.
باعدارلار پوليتسييا بٶلٸمشەلەرٸنٸڭ كەزەكشٸ بٶلٸمدەرٸنە عانا ٸلٸنٸپ قويماي, پوليتسييا دەپارتامەنتٸنٸڭ ەلەۋمەتتٸك جەلٸلەردەگٸ رەسمي پاراقشالارىندا دا جارييالاندى.
جالپى 11 اي ٸشٸندە سقو پوليتسەيلەرٸ جوعالعان 90 ادامعا ٸزدەۋ جارييالادى, ونىڭ 67-سٸ تابىلدى. سونىمەن قاتار تەرتٸپ ساقشىلارى ۆولونتەرلەردٸڭ كٶمەگٸمەن ٸزدەستٸرۋ ٸسٸن باستاماستان 260-تان استام ادامدى, ياعني ولار جوعالعان بٸر تەۋلٸكتٸڭ ٸشٸندە ٸزدەپ تاپتى.
