سولتٷستٸك قازاقستان وبلىسى بەسكٶل اۋىلىندا 3-4 كٷن ٸشٸندە 100-دەن استام تۇرعىن دەرٸگەر كٶمەگٸنە جٷگٸنگەن. بارلىعىندا اۋرۋ بەلگٸلەرٸ بٸردەي, دەپ حابارلايدى "ۇلت اقپارات".
بەسكٶل اۋىلى تۇرعىندارىنىڭ ايتۋىنشا, اۋىرىپ جاتقاندار كٶپ. كەيبٸرٸ ٶزدٸگٸنەن ەمدەلٸپ جاتىر. اۋرۋ بەلگٸلەرٸ استان ۋلانۋعا ۇقساس. دەنە قىزۋى كٶتەرٸلەدٸ, ەلسٸرەپ, قۇسادى.
نۇرلان ەسكەندٸروۆتٸڭ قازٸر ەكٸ بالاسى اۋرۋحانادا جاتىر.
«بالالاردىڭ نەمەن اۋىرىپ جاتقانىن بٸلمەيمٸن. ٷيدە قىزىم ەكەۋٸمٸز قالعان ەدٸك, ەندٸ قىزىم دا اۋىرىپ قالدى. جاعدايى ناشارلاسا جەدەل جەردەم قىزمەتٸن شاقىرامىن», - دەيدٸ بەسكٶل تۇرعىنى.
تۇرعىندار «بار پەلە – ساپاسىز سۋدان» دەيدٸ. سانيتارييالىق-ەپيدەميولوگييالىق باقىلاۋ باسقارماسىنىڭ ماماندارى اۋىز سۋدىڭ سىناماسىن الدى. الايدا ەزٸرگە نەتيجەسٸ دايىن ەمەس.
«28 مامىردان اۋداندىق اۋرۋحاناعا قۇسۋ, ديارەيا, دەنە قىزۋىنىڭ كٶتەرٸلۋٸنە شاعىمدانعان ادامدار كٶبەيدٸ. دەرٸگەرلەر 78 بالا مەن 36 ەرەسەك ادامدى قابىلدادى. ولارعا ەنتەروۆيرۋستىق ينفەكتسييا دياگنوزى قويىلدى. 10 ناۋقاس اۋرۋحاناعا جاتقىزىلدى. اۋداندا شۇعىل تٷردە پروۆيزورلىق ورىندار اشىلدى», - دەيدٸ قىزىلجار اۋداندىق اۋرۋحانا باس دەرٸگەرٸنٸڭ مٸندەتٸن اتقارۋشى جانار كەكٸموۆا.
بەسكٶل اۋىلىندا تۇرعىنداردىڭ جاپپاي اۋىرۋىنا قاتىستى وبلىستىق پروكۋراتۋرا قىلمىستىق ٸس قوزعادى. وسى دەرەككە قاتىستى ارنايى جۇمىس توبى قۇرىلىپ, ٸستٸڭ مەن-جايى انىقتالىپ جاتىر.
