سولتٷستٸك قازاقستان وبلىسىندا بەس بالانىڭ اناسى - 34 جاستاعى كەلٸنشەك اۋرۋحانادا قايتىس بولىپ, ونىڭ كٶز جۇمعانى تۋرالى قۇجاتتار تەك بٸر ايدان كەيٸن عانا تولتىرىلىپ, كٷيەۋٸنە بەرٸلگەن. بۇل جايىندا باق-تان بٸلگەن ٶڭٸر باسشىسى دەرەكتٸڭ جان-جاقتى تەكسەرٸلٸپ, كٸنەلٸلەردٸڭ جاۋاپ بەرەتٸنٸن ايتتى, دەپ حابارلايدى قازاقپارات.
جۋرناليست ۋليانا ەشٸموۆانىڭ مەلٸمەتٸنشە, سقو بولشوي يزيۋم ەلدٸ مەكەنٸنٸڭ تۇرعىنى ەيگەرٸم قازەزوۆا بەسٸنشٸ بالاسىنا جٷكتٸ بولىپ, 35 اپتادا اۋداندىق اۋرۋحاناعا ساقتاۋعا جاتقىزىلادى.
كەيٸن دەرٸگەرلەر كەلٸنشەكتٸ ٷيٸنە جٸبەرەدٸ. بٸراق كەلەسٸ كٷنٸ ەيەلدە جٶتەل پايدا بولىپ, كٷيەۋٸ ونى قايتادان اۋرۋحاناعا اپارادى.
سول كٷنٸ ەيگەرٸمدٸ پەتروپاۆلعا, وبلىستىق كٶپسالالى اۋرۋحاناعا جٶنەلتەدٸ. پتر-تەستٸ ارقىلى كەلٸنشەكتٸڭ كوروناۆيرۋس جۇقتىرعانى انىقتالىپ, بٸردەن جٷكتٸلٸكتٸڭ 36 ايلىعىندا ونى دەرٸگەرلەر كەسٸر تٸلٸگٸ ارقىلى بوساندىرادى.
5 تامىزدا جاس انا ايعانىم اتتى قىزىن دٷنيەگە ەكەلەدٸ.
كٷيەۋٸ ساعدات كەلٸنشەگٸنٸڭ جاعدايىن كٷندەلٸكتٸ دەرٸگەرلەر ارقىلى بٸلٸپ تۇرعان.
اق حالاتتىلار ەيەلدٸڭ اۋرۋى اسقىنىپ, پنەۆمونيياعا ۇشىراعانىن, جانساقتاۋ بٶلٸمشەسٸندە ٶكپەنٸ جاساندى جەلدەتۋ اپپاراتىندا جاتقانىن ايتقان.
ال 22 تامىز كٷنٸ اۋرۋحانادان حابارلاسىپ, ەيەلٸنٸڭ قايتىس بولعانىن جەتكٸزگەن.
23 تامىز كٷنٸ تۋعان-تۋىستارى, اۋىلداستارى ەيگەرٸم قازەزوۆانى جەر قويناۋىنا تاپسىردى.
ال كەلەسٸ كٷنٸ ەيەلٸنٸڭ قۇجاتتارىنا كەلگەن ساعداتقا اۋداندىق اۋرۋحانادا ونى تٷرلٸ سىلتاۋ ايتىپ بەرمەگەن.
تەك بٸر ايدان كەيٸن عانا حابارلاسىپ, اۋرۋحانا قىزمەتكەرٸمەن بارىپ حالىققا قىزمەت كٶرسەتۋ ورتالىعىنان قۇجاتتارىن العان.
جۋرناليستٸڭ ايتۋىنشا, بۇل وقيعادا تٷسٸنٸكسٸز جاعداي كٶپ, سونىڭ بٸرٸ – كەلٸنشەكتٸڭ قايتىس بولعان كٷنٸن تەك بٸر اي ٶتكەننەن كەيٸن عانا تٸركەگەن.
بۇل جايت وبلىس ەكٸمٸ قۇمار اقساقالوۆتىڭ نازارىنان تىس قالمادى. ٶڭٸر باسشىسى ٶزٸنٸڭ ەلەۋمەتتٸك جەلٸدەگٸ پاراقشاسىندا بۇل جايتتىڭ تولىق تەكسەرٸلەتٸنٸن مەلٸمدەدٸ.
«پاتسيەنت ەيگەرٸم قازەزوۆانىڭ ٶلٸمٸ تۋرالى ماقالانى وقىدىم. قازەزوۆتار وتباسىنا قايعىرىپ كٶڭٸل ايتامىن. بۇل ٶرەسكەل جاعداي. ارنايى كوميسسييا قۇرىلىپ, تەۋەلسٸز ساراپشىلار تارتىلادى. جان-جاقتى تەكسەرۋ جٷرگٸزٸلەدٸ. ەگەر بۇل فاكت راستالسا, كٸنەلٸلەر زاڭعا سەيكەس قاتاڭ جازاعا تارتىلىپ, قىزمەتٸنەن بوساتىلادى», - دەپ جازدى قۇمار اقساقالوۆ.
