فوتو: t.me/KZgovernment
پرەمەر-مينيستردٸڭ بٸرٸنشٸ ورىنباسارى رومان سكليار ەكٸباستۇزداعى تٶتەنشە جاعداي تۋرالى مەلٸمدەمەسٸن تٷسٸندٸردٸ, - دەپ حابارلايدى Tengrinews.kz پورتالى.
ۆيتسە-پرەمەر ەكٸباستۇزداعى جاعدايعا قاتىستى بٷكٸل قالادا اپات بولدى دەۋ دۇرىس بولمايتىنىن تٷسٸندٸردٸ. ونىڭ ايتۋىنشا, بۇل جەكەلەگەن شاعىناۋداندار مەن جەكەلەگەن تۇرعىندارعا تٶنگەن اپات.
"بۇل جەكەلەگەن اۋداندارداعى اپات. ەكٸباستۇزدا 689 كٶپقاباتتى ٷي بار, ونىڭ 70-ٸندە سەگٸز كٷنگە دەيٸن جىلۋ بولمادى", - دەدٸ رومان سكليار.
سونىمەن قاتار, ۆيتسە-پرەمەردٸڭ ايتۋىنشا, ەكٸباستۇزدا 5200 جەكە تۇرعىن ٷي بولسا, ونىڭ 4500-ٸ ورتالىقتاندىرىلعان جىلۋمەن قامتاماسىز ەتٸلگەن. سكلياردىڭ ايتۋىنشا, بۇل تۇرعىن ٷيلەردٸڭ 150-گە جۋىعى جىلۋسىز قالعان.
"سوندىقتان, مەنەن: "جىلى قوناقٷيدە تۇرعان شىعارسىز..." دەپ سۇراعاندا, ايتپاقشى, ەكٸباستۇزدا ەرٸپتەستەرٸم تۇرعان قوناقٷيلەر كٶپ. بۇل اۋقىمدى كوممۋنالدىق اپات, بٸراق بٷكٸل قالا اپاتى ەمەس. جىلۋشىلار ستانتسييانى قايتا ٸسكە قوسا الدى, باستاپقىدا جىلۋسىز قالعان 149 ٷيدٸڭ 79-ى بٸرٸنشٸ كٷنٸ ٸسكە قوسىلدى, تەك 70 ٷيدە عانا بۇل جۇمىستار جٷرگٸزٸلدٸ. كٶپشٸلٸكتە بٷكٸل قالا اياز قۇرساۋىندا قالىپ, جىلۋ, جارىق بولمادى دەگەن قاتە تٷسٸنٸك قالىپتاستى", - دەپ تٷيٸندەدٸ سٶزٸن پرەمەر-مينيستردٸڭ ورىنباسارى.
