پاۆلودار وبلىسىنىڭ ەكٸمٸ ەبٸلقايىر سقاقوۆ ماي جەنە باياناۋىل اۋداندارىنداعى قۋاڭشىلىققا بايلانىستى پٸكٸر بٸلدٸردٸ, دەپ حابارلايدى "ۇلت اقپارات".
«ماماندار ماي اۋدانىندا شٶپ جاعىنان ەشقانداي تاپشىلىق بولمايدى دەپ وتىر. باياناۋىل اۋدانىنا كەلسەك, شٶپ ماۋسىمى نەگٸزٸ شٸلدە, تامىز ايلارىندا باستالادى. وبلىس دەڭگەيٸندە قانداي شارالار قابىلداندى? بٸرٸنشٸدەن, ٶڭٸردە جالپى اۋدانى 300 گەكتار جايىلىم بار. بيىل ونى 10 پايىزعا ۇلعايتىپ, 38 مىڭ گەكتار قوستىق», - دەدٸ وبلىس ەكٸمٸ ورتالىق كوممۋنيكاتسيلار قىزمەتٸندە ٶتكەن بريفينگٸدە.
ەبٸلقايىر سقاقوۆ قۋاڭشىلىق بايقالىپ وتىرعان اۋانداردا جەم-شٶپ ناۋقانى كەزٸندە ارزانداتىلعان جانارماي بەرۋ قاراستىرىلىپ جاتقانىن اتادى.
«بٸز ورتالىق قۇزىرەتتٸ ورگاندارمەن جۇمىس ٸستەپ جاتىرمىز. جەكە ارزانداتىلعان جانارمايدى شارۋاشىلىقتارعا جەتكٸزۋ بويىنشا مەسەلە شەشٸلەدٸ دەپ سەنەمٸز. ال تاۋارلى فەرمالاردان بٶلەك شارۋاشىلىق قۇرىلىمدارعا جەمشٶپ سۋبسيديياسىن بەرۋ مەسەلەسٸنە كەلسەك, ەرينە, ينۆەستيتسييالىق سۋبسيدييالاردىڭ ٶز ەرەجەلەرٸ بار. ونى شىعاراتىن – اۋىل شارۋاشىلىعى مينيسترلٸگٸ. سوندىقتان, مينيسترلٸكپەن بولاشاقتا وسى باعىتتا جۇمىس جٷرگٸزەمٸز», - دەدٸ ايماق باسشىسى.
