Pavlodar oblysynyń ákimi Ábilqaiyr Sqaqov Mai jáne Baianaýyl aýdandaryndaǵy qýańshylyqqa bailanysty pikir bildirdi, dep habarlaidy "Ult aqparat".
«Mamandar Mai aýdanynda shóp jaǵynan eshqandai tapshylyq bolmaidy dep otyr. Baianaýyl aýdanyna kelsek, shóp maýsymy negizi shilde, tamyz ailarynda bastalady. Oblys deńgeiinde qandai sharalar qabyldandy? Birinshiden, óńirde jalpy aýdany 300 gektar jaiylym bar. Biyl ony 10 paiyzǵa ulǵaityp, 38 myń gektar qostyq», - dedi oblys ákimi ortalyq kommýnikatsilar qyzmetinde ótken brifingide.
Ábilqaiyr Sqaqov qýańshylyq baiqalyp otyrǵan aýandarda jem-shóp naýqany kezinde arzandatylǵan janarmai berý qarastyrylyp jatqanyn atady.
«Biz ortalyq quzyretti organdarmen jumys istep jatyrmyz. Jeke arzandatylǵan janarmaidy sharýashylyqtarǵa jetkizý boiynsha másele sheshiledi dep senemiz. Al taýarly fermalardan bólek sharýashylyq qurylymdarǵa jemshóp sýbsidiiasyn berý máselesine kelsek, árine, investitsiialyq sýbsidiialardyń óz erejeleri bar. Ony shyǵaratyn – Aýyl sharýashylyǵy ministrligi. Sondyqtan, ministrlikpen bolashaqta osy baǵytta jumys júrgizemiz», - dedi aimaq basshysy.
