سەنات دەپۋتاتى مۇحتار قۇل-مۇحاممەد تٶتەنشە جاعدايلار مينيسترلٸگٸنە وپەراتيۆتٸلٸك جەتٸسپەيتٸنٸن ايتتى, دەپ حابارلايدى Sputnik قازاقستان.
سەناتتا "قاۋٸپتٸ ٶندٸرٸستٸك وبەكتٸلەردە ٶنەركەسٸپتٸك قاۋٸپسٸزدٸكتٸ قامتاماسىز ەتۋ" تاقىرىبىنا ارنالعان ٷكٸمەت ساعاتى ٶتٸپ جاتىر. تٶتەنشە جاعداي مينيسترٸ يۋريي يليننٸڭ بايانداماسىنان كەيٸن سەناتور مۇحتار قۇل-مۇحاممەد ۆەدومستۆوعا تٶتەنشە جاعدايلار كەزٸندە جىلدام ەرەكەت ەتۋگە كەڭەس بەردٸ.
"سٸزدٸڭ مينيسترلٸكتٸڭ جاۋاپتى قىزمەتكەرلەرٸنە قاراعاندا, كەيبٸر تٶتەنشە جاعدايلارعا مەملەكەت باسشىسى تەز رەاكتسييا بەرەدٸ. سٸزدەرگە وپەراتيۆتٸلٸك جەتٸسپەيدٸ. بولاشاقتا وسىنى ەسكەرۋٸڭٸز كەرەك", - دەدٸ دەپۋتات.
ول ٶنەركەسٸپتٸك قاۋٸپسٸزدٸكتٸڭ كٶپتەگەن تالابى مەن نۇسقاۋلىقتارى بٷگٸندە ەسكٸرٸپ قالعانىن ايتتى. سونىڭ سالدارىنان اپاتتار جيٸ ورىن الادى.
"ەگەر سٸزدەر وسى زاڭ جوبالارىن دايىنداپ ٷلگەرمەسەڭٸزدەر, بٸزدٸڭ كوميتەت كٶمەكتەسۋگە دايىن. ونىڭ ٷستٸنە كوميتەتتە وسى سالاعا بٷكٸل عۇمىرىن ارناعان مىقتى ماماندار بار", - دەدٸ قۇل-مۇحاممەد.
