6 قاڭتار كٷنٸ قازاقستان پرەزيدەنتٸ نۇرسۇلتان نازارباەۆتىڭ تاپسىرماسى بويىنشا قۇقىق قورعاۋ ورگاندارى مەن سىرتقى ٸستەر مينيسترلٸگٸ جٷرگٸزگەن گۋمانيتارلىق شارا نەتيجەسٸندە سيرييادان 47 ازاماتىمىز, سونىڭ ٸشٸندە 30 بالا ەلگە قايتارىلدى.
ايتا كەتەيٸك, 5-6 قاڭتاردا قر قارۋلى كٷشتەرٸنٸڭ ارنايى جاساعى «جۋسان» ەسكەري وپەراتسيياسىن ٶتكٸزدٸ.
ولار 5 قاڭتار كٷنٸ اقتاۋ حالىقارالىق ەۋەجايىنان ۇشىپ شىققان-تىن. ۇشاقتا گۋمانيتارلىق كٶمەك, العاشقى قاجەتتٸ زاتتار, تاماقتانۋ جيىنتىقتارى سالىنعان پاكەتتەر بولدى. قازاقستاندىق كٷشتەر ەۆاكۋاتسييا ورنىنا 5 قاڭتار كٷنٸ ساعات 15:45-تە جەتتٸ. ۆيدەودا بالالار ٷشٸن قولايلى ۇشۋ شارالارى جاسالعانى كٶرسەتٸلگەن, ەسكەريلەر ولاردى تاماقتاندىرىپ, قولدارىنا كٸتاپتار مەن ويىنشىقتار بەرەدٸ. كەيبٸر ەر ادامداردى ۇشاققا كٶزٸن جاۋىپ كٸرگٸزگەن.
وتانداستارىمىز مٸنگەن بورت اقتاۋعا 6 قاڭتار كٷنٸ تٷنگٸ ەكٸ شاماسىندا قونعان.
