حالىقتىڭ دەنساۋلىعىن ساقتاۋدا العاشقى مەديتسينالىق سانيتارلىق كٶمەك نەگٸزگٸ رٶل وينايدى. ادامدار العاشقى كٶمەكتٸ اۋرۋحاناعا جاتپاس بۇرىن وسى جەردەن الادى.
COVID-19-بەن كٷرەستە سينگاپۋر باسىمدىقتى وسى العاشقى مەديتسينالىق سانيتارلىق كٶمەكتٸ دامىتۋعا سالىپ وتىر.
بۇل ويىمەن سانجار اسفەنديياروۆ اتىنداعى قازاق ۇلتتىق ۋنيۆەرسيتەتٸنٸڭ ۇجىمىمەن ونلاين سۇحباتتاسۋ بارىسىندا سينگاپۋر قوعامدىق دەنساۋلىق ساقتاۋ مەكتەبٸنٸڭ دەكانى, پروفەسسور تەو يك ين بٶلٸستٸ.
«بٸز 2003 جىلى SARS ەپيدەميياسى كەزٸندە اۋىر سوققى الدىق. ەلەم بويىنشا سوندا SARS-تان سينگاپۋر ەڭ قاتتى زارداپ شەكتٸ. 238 ادام جۇقتىرىپ, 33 ادام كٶز جۇمدى. سول كەزدە-اق بٸز دەنساۋلىق ساقتاۋ سالاسىندا ٶزگەرٸس كەرەك ەكەنٸن تٷسٸندٸك», - دەدٸ مامان.
سينگاپۋر ماماندارى 2020 جىلى قاڭتاردا كوروناۆيرۋس ادامنان ادامعا جۇقپايدى دەپ ويلاعان.
«9 اي ٶتكەن سوڭ ادامنان ادامعا جۇعاتىنى, ادامدار سيمپتومسىز تاسىمالدايتىنى انىقتالدى. سوندىقتان دەنساۋلىق ساقتاۋ ساياساتى ەۆوليۋتسييامەن دامىپ وتىرۋى كەرەك. كەز كەلگەن ۆيرۋستى اۋىزدىقتايمىن دەگەن مەملەكەت ٷشٸن ەلەۋمەتتٸك قاشىقتىقتى ساقتاۋ, ماسكا تاعۋ ٶتە ٶزەكتٸ مەسەلە بولىپ وتىر. جاقىندا عانا, 5 اپتا بۇرىن بٸز گونكونگتان جاڭا مەلٸمەت الدىق. كوروناۆيرۋسپەن بٸر رەت اۋىرعان ادام قايتادان جۇقتىرعان. سوندىقتان, ۇجىمدىق يممۋنيتەت دەگەن ستراتەگييانىڭ قازٸر مٷلدە پايداسى جوق. قازٸرگٸ مەسەلە ۆاكتسينا بولىپ وتىر», - دەدٸ ول.
ماماننىڭ ايتۋىنشا, جىلدىڭ باسىندا سينگاپۋردىڭ ساياساتىن كوروناۆيرۋسپەن كٷرەسۋدە التىن ستاندارت دەپ اتاعانى راس.
الايدا 2 ايدان سوڭ مەسەلە ۋشىعا باستادى.
«احۋال كەز كەلگەن ۋاقىتتا قيىنداۋى مٷمكٸن. ادام ٶلٸمٸ ستاتيستيكاسى ەپ سەتتە ٶزگەرۋٸ مٷمكٸن. 0-دەن 100-گە جەتٸپ, لوكداۋن تۋرالى شەشٸم قابىلدانۋى اراسىندا كٶپ ۋاقىت كەرەك ەمەس. سوڭعى ەكٸ ايدا بٸزدە ادام ٶلٸمٸ 5-تەن از بولىپ تۇرعان. كەيدە مٷلدە ادام ٶلٸمٸ تٸركەلمەيتٸن كٷندەر بولادى. كٶپشٸلٸگٸ جاتاقحانالاردا تۇراتىن شەتەلدەن كەلگەن ميگرانتتار اراسىندا ٶرشٸپ جاتىر. ۆيرۋس كٶبٸنەسە سىرتتان كەلگەندەردەن جۇعىپ جاتىر. قاڭتاردا قحر ەلٸنەن كەلگەن ادامداردان تارالسا, كەيٸنٸرەك اقش پەن ەۋروپادان سينگاپۋر ازاماتتارى قايتا ورالا باستادى. بٸز ٷشٸن ەڭ باستى مەسەلە – شەكارانى باسقارۋ», - دەدٸ پروفەسسور تەو يك ين.
پاندەمييا باستالعان كەزدە سينگاپۋر ساياساتكەرلەرٸ دۇرىس بولجام جاساۋ ٷشٸن عالىمدار, ەپيدەميولوگتار, ينفەكتسييالىق مودەلدەۋ ماماندارىنان كەڭەس الىپ وتىردى.
«SARS ەپيدەميياسى بولعان 2003 جىلدان بەرٸ بٸزدٸڭ ماماندار بارلىق كريزيستٸك احۋالدارعا ٷيرەنگەن. دەنساۋلىق ساقتاۋ ۇيىمدارى تٶتەنشە جاعداي رەجيمٸنە تەز اۋىسا الادى. ونىڭ بارلىعى تەجٸريبەدەن ٶتكەن. سينگاپۋردا قازٸر 56 مىڭ ادام كوروناۆيرۋس جۇقتىرعان.
ونىڭ ٸشٸندە 28 ادام قايتىس بولعان. دەرٸگەرلەردٸڭ اراسىندا 10 ادام عانا جۇقتىرعان. بۇل العاشقى مەديتسينالىق سانيتارلىق كٶمەك بۋىنىنىڭ دايىندىعىن كٶرسەتسە كەرەك», - دەدٸ پروفەسسور.
