قازاقستاننىڭ سىرتقى ٸستەر مينيسترلٸگٸ گرۋزييادا جۇمباق جاعدايدا قازا تاپقان قازاقستاندىق بويجەتكەنگە قاتىستى رەسمي مەلٸمەت تاراتتى, دەپ حابارلايدى "ۇلت اقپارات".
«گرۋزييانىڭ قۇقىق قورعاۋ ورگاندارى بٸزدٸڭ ەلشٸلٸككە بەرگەن اقپاراتقا سەيكەس, بيىلعى 5 مامىردا تبيليسي قالاسىنداعى بٸر ٷيدٸڭ تەرەزەلەرٸنٸڭ استىنان قازاقستان ازاماتىنىڭ دەنەسٸ تابىلعان. الدىن الا مەلٸمەت بويىنشا, اتالعان قىز 9-قاباتتان قۇلاپ مەرت بولعان» دەپ مەلٸم ەتتٸ سىرتقى ٸستەر مينيسترلٸگٸ.
گرۋزييا پوليتسيياسى ٶزٸن-ٶزٸ ٶلتٸرۋ حالٸنە جەتكٸزۋ دەگەن كٷدٸكپەن قىلمىستىق ٸس قوزعادى.
پوليتسييا كٷدٸكتٸنٸ قاماۋعا الدى. باسقا اقپارات تەرگەۋ مٷددەسٸ ٷشٸن جارييالانبايدى.
«گرۋزيياداعى قازاقستان ەلشٸلٸگٸنٸڭ كونسۋلى مارقۇمنىڭ وتباسىمەن ٷنەمٸ بايلانىستا. بۇل ٸس ەلشٸلٸكتٸڭ ەرەكشە باقىلاۋىنا الىندى. قازاقستاننىڭ سىرتقى ٸستەر مينيسترلٸگٸ ەل ازاماتىنىڭ دەنەسٸن وتانىنا جەتكٸزۋگە جان-جاقتى كٶمەك كٶرسەتٸپ جاتىر» دەلٸنگەن حابارلامادا.
ەسكە سالا كەتەيٸك, بۇعان دەيٸن بٸرقاتار قازاقستاندىق باق قازاقستاندىق بويجەتكەننٸڭ گرۋزييادا كەنەتتەن كٶز جۇمعانىن حابارلاعان بولاتىن.
