فوتو: kazpravda.kz
قىتاي حالىق رەسپۋبليكاسىنىڭ تٶراعاسى سي تسزينپين قازاقستانمەن دوستىق جەنە نۇر-سۇلتانعا الداعى ساپارى تۋرالى ماقالا جارييالادى, - دەپ حابارلايدى Tengrinews.kz اگەنتتٸگٸ "كازاحستانسكايا پراۆدا" باسىلىمىنا سٸلتەمە جاساپ.
سي تسزينپين قازاقستانعا تٶرتٸنشٸ رەت كەلٸپ وتىرعانىن جەنە كەيٸنگٸ ساپارى بەس جىل بۇرىن بولعانىن اتاپ ٶتتٸ.
"سٸزدٸڭ ەلٸڭٸز شەكسٸز دالاسى, اسقاق تاۋلارى جەنە ٶزەندەرٸ, ٶتە قوناقجاي حالقىمەن تانىمال. الداعى ساپاردان ٷلكەن ٷمٸت كٷتەمٸن. قىتاي مەن قازاقستاندى تاۋلار مەن ٶزەندەر بايلانىستىرادى, تاتۋ كٶرشٸ, شىنايى دوس جەنە سەنٸمدٸ سەرٸكتەس. دوستىق بايلانىستاردىڭ مىڭجىلدىق تاريحىن بٶلٸسەتٸن حالىقتارىمىز - ۇلى جٸبەك جولىنىڭ تاماشا دەۋٸرٸنٸڭ كۋەگەرلەرٸ", - دەپ جازدى ول.
بيىل قازاقستان مەن قىتاي اراسىنداعى ديپلوماتييالىق قارىم-قاتىناستىڭ ورناعانىنا 30 جىل تولىپ وتىر.
"ورتاق قاۋٸپسٸزدٸگٸمٸزدٸ قورعاۋ ماڭىزدى. قىتاي قازاقستانمەن سىرتقى ارالاسۋ ەرەكەتتەرٸنە تاباندى تٷردە قارسى تۇرۋعا, ايماقتاعى تۇراقتى بەيبٸتشٸلٸك پەن ۇزاق مەرزٸمدٸ تۇراقتىلىقتى بٸرلەسٸپ قولداۋعا دايىن. (...) بٸزدٸڭ ەلدەرٸمٸز مەملەكەتتٸك ەگەمەندٸك, قاۋٸپسٸزدٸك جەنە اۋماقتىق تۇتاستىققا قاتىستى نەگٸزگٸ مەسەلەلەر بويىنشا ەرقاشان بٸر-بٸرٸنە بەرٸك قولداۋ كٶرسەتەدٸ", - دەپ جازدى سي تسزينپين.
قىتاي حالىق رەسپۋبليكاسىنىڭ باسشىسى ەلدەر بٸر-بٸرٸنە قولداۋ مەن كٶمەك كٶرسەتۋ قاعيداسىنان ەشقاشان اۋىتقىماعانىن جەنە تاتۋ كٶرشٸلٸك قارىم-قاتىناستاردى دامىتۋدىڭ لايىقتى ٷلگٸسٸن كٶرسەتٸپ كەلە جاتقانىن اتاپ ٶتتٸ.
ول قولايسىز ەپيدەميولوگييالىق جاعدايعا قاراماستان, بىلتىر ەكٸجاقتى تاۋار اينالىمى پاندەميياعا دەيٸنگٸ دەڭگەيگە ورالىپ, 25 ميلليارد دوللار بولعانىن اتاپ ٶتتٸ.
سونداي-اق, ول 21,2 ميلليارد دوللاردان اساتىن 52 بٸرلەسكەن جوبانىڭ ەزٸرلەنگەنٸن اتاپ ٶتتٸ. مىسالى, 100 مەگاۆاتتىق جاڭاتاس جەل ەلەكتر ستانتسيياسى, JAC اۆتوموبيل قۇراستىرۋ جەلٸسٸ, شىمكەنت مۇناي ٶڭدەۋ زاۋىتىن جاڭعىرتۋ.
سونىمەن قاتار, ول قازاقستاندا قىتايدىڭ دەستٷرلٸ مەديتسينا ورتالىعى مەن لۋ بان اتىنداعى شەبەرحانا اشىلاتىنىن حابارلادى.
ول قىتاي مەن قازاقستان اراسىنداعى ورتاق تاعدىر قاۋىمداستىعىنا باسا نازار اۋدارا وتىرىپ, الداعى 30 جىلدا ەكٸجاقتى قارىم-قاتىناستاردى دامىتۋدىڭ جاڭا پاراديگماسىن قالىپتاستىرۋ قاجەت ەكەنٸن ايتتى.
ەسكە سالايىق, سي تسزينپين نۇر-سۇلتانعا 14 قىركٷيەكتە كەلەدٸ. قازاقستان مەن قىتاي باسشىلارى جان-جاقتى قازاقستاندىق-قىتايلىق ستراتەگييالىق ەرٸپتەستٸكتٸ نىعايتۋ پەرسپەكتيۆالارىن تالقىلايدى. كەلٸسسٶزدەر نەتيجەسٸندە بٸرقاتار ەكٸجاقتى قۇجاتتارعا قول قويۋ جوسپارلانىپ وتىر.
