فرانتسۋز فۋتبولشىسى, يسپانييالىق "بارسەلونا" كلۋبىنىڭ شابۋىلشىسى انتۋان گريزمانن قىتايلىق Huawei كومپانيياسىمەن ەرٸپتەستٸگٸن ٷزەتٸنٸن مەلٸمدەدٸ. وعان سەبەپ - كومپانييانىڭ شىڭجاڭداعى مۇسىلمانداردى اڭدۋ باعدارلاماسىنا قاتىسىپ وتىر دەپ ايىپتالۋى.
گريزمانن Instagram-پاراقشاسىندا Huawei-دٸڭ ۇيعىرلاردى بەت-ەلپەتٸ بويىنشا انىقتايتىن باعدارلاماعا قاتىسى بار دەگەن اقپاراتتاردىڭ شىعۋىنا بايلانىستى كومپانييامەن كونتراكتٸسٸن "دەرەۋ" ٷزەتٸنٸن جازدى.
"وسى جاعدايعا سٷيەنە وتىرىپ, Huawei كومپانيياسىن بۇل ايىپتاۋلاردى جوققا شىعارۋمەن شەكتەلمەي, تەز ارادا جاپپاي رەپرەسسييانى ايىپتاۋعا جەنە ٶز ىقپالىن ادام قۇقىقتارىنىڭ ساقتالۋىنا ٷلەس قوسۋ ٷشٸن پايدالانۋعا شاقىرامىن" دەدٸ فۋتبولشى.
گريزمانن Huawei كومپانيياسىمەن جارناما كەلٸسٸمشارتىنا 2017 جىلى وتىرعان. سودان قىتايلىق تەلەكوممۋنيكاتسييا كورپوراتسيياسىنىڭ فرانتسيياداعى جارناما ناۋقانىنىڭ باستى تۇلعاسى بولدى.
Huawei فۋتبولشىنىڭ بۇل شەشٸمٸنە ٶكٸنٸش بٸلدٸرەتٸنٸن, ٶزٸنە تاعىلعان ايىپتاردى جالعان دەپ سانايتىنىن حابارلادى.
8 جەلتوقسان كٷنٸ امەريكالىق IPVM كومپانيياسى Huawei-دٸڭ ادامدى جاسى, جىنىسى جەنە ۇلتى بويىنشا اجىراتاتىن باعدارلاماعا قاتىسىپ وتىر دەپ مەلٸمدەگەن. Huawei كومپانيياسى ٶز تەحنولوگيياسىنىڭ ادامنىڭ ۇلتىن بەت-ەلپەتٸ ارقىلى انىقتاۋعا قولدانىلىپ وتىرعانىن جوققا شىعارادى.
قىتاي كەيٸنگٸ جىلدارى شىڭجاڭداعى مۇسىلمان ەتنيكالىق توپتاردى جاپپاي قۋدالاپ وتىر دەپ ايىپتالىپ, ەلەمدٸك قاۋىمداستىقتىڭ قاتاڭ سىنىنا ۇشىراپ وتىر. قىتايدىڭ باتىسىنداعى ٶلكەدە ۇيعىر, قازاق جەنە قىرعىز سەكٸلدٸ تٷركٸ تٸلدەس مۇسىلماندار تۇرادى. جۋرناليستٸك زەرتتەۋلەر مەن ٶلكەدەن قاشىپ شىققان ادامداردىڭ ايتۋىنشا, پەكين ٶلكەدەگٸ مۇسىلمانداردى جاپپاي تٷرمەگە جاۋىپ, ازاپتاعان. قىتاي بيلٸگٸ مۇنى "قايتا دايارلاۋ ورتالىقتارى" دەپ اتاپ, مۇسىلمانداردىڭ قۋدالانىپ وتىرعانىن جوققا شىعارادى, مۇنى تەرروريزممەن كٷرەس ٷشٸن جاساپ وتىرعانىن ايتادى.
بٸراق تٷرلٸ زەرتتەۋ بۇل ورتالىقتاردىڭ تٷرمەدەگٸدەي قورشالعانىن كٶرسەتەدٸ, ال "ورتالىقتا" بولدىم دەگەن قىتايدا تۋعان ەتنيكالىق ازاماتتار ول جەرگە تٷسكەندەردٸڭ جٷرٸپ-تۇرۋ ەركٸندٸگٸ جوق ەكەنٸن, جيٸ ازاپتالاتىنىن ايتادى.
بۇۇ مەلٸمەتٸنشە, قىتايدىڭ وسى "ورتالىقتارىنان" كەمٸ 1 ميلليون مۇسىلمان ٶتكەن.
مۇنىڭ الدىنداعى قىتايدىڭ بۇل ەرەكەتٸن گەرمانييا فۋتبول قۇراماسىنىڭ ويىنشىسى, بريتانييالىق "ارسەنال" كلۋبىنىڭ فۋتبولشىسى مەسۋت وزيل دە ايىپتاعان. وسىدان كەيٸن قىتاي بيلٸگٸ لوندوندىق كلۋبتىڭ ويىندارىن كٶرسەتپەي قويعان.
