ورتالىق كوممۋنيكاتسييالار قىزمەتٸندە ٶتكەن بريفينگٸدە شىمكەنت قالاسى ەكٸمٸنٸڭ بٸرٸنشٸ ورىنباسارى شىڭعىس مۇقان قالا تۇرعىندارى اراسىندا كوروناۆيرۋس پنەۆمونيياسىمەن اۋىرعانداردىڭ نەگە كٶپ ەكەنٸن تٷسٸندٸردٸ, دەپ حابارلايدى قازاقپارات.
«كۆي+» پەن «كۆي-»-تٸ ستاتسيونارعا بارعان بويدا پتر-تەست ارقىلى انىقتايدى. ونىڭ ٷستٸنە كومپيۋتەرلٸك توموگرافييادان ٶتەدٸ. ٶكٸنٸشكە قاراي, كوروناۆيرۋس ينفەكتسيياسى جۇققان بويدا ەمدٸ باستاپ كەتپەسە, ونىڭ ەرٸ قاراي پنەۆمونيياعا اينالۋ قاۋپٸ ٶتە جوعارى. سوندىقتان, بٸزدە شىمكەنت قالاسىندا ٶزدٸگٸنەن ەمدەلگەن ادامدار بولدى. سول ۋاقىتتا جىلدام شەشٸم قابىلداپ, دەرٸحانالاردىڭ جانىنداعى جەكە مەنشٸك تٷرلٸ ەكپە قابىلداۋ ورىندارىنىڭ جۇمىسىن رەتتەدٸك. ناۋقاستاردىڭ بەرٸنەن ۆيرۋس بەلگٸلەرٸن بايقاعان بويدا حابارلاسۋدى ٶتٸندٸك. سوندىقتان, وسىنداي جاعداي ورىن الدى دەپ ويلايمىن», - دەگەن ەكٸمدٸك ٶكٸلٸ تۇرعىنداردىڭ جەكە پراكتيكاداعى دەرٸگەرلەردٸڭ كٶمەگٸنە كٶپ جٷگٸنۋٸ جاعدايدى ۋشىقتىرعانىن اتادى.
«تۇرعىنداردىڭ ٶزدەرٸ ەمحاناعا بارماي, ٶزدٸگٸنەن ەمدەلۋ سالدارىنان سىرقاتى كوروناۆيۋرس پنەۆمونيياسىنا اينالىپ كەتكەن جاعدايلار بولدى. ٶكٸنٸشكە قاراي, بٸزدە اۋىر جاعدايمەن تٷسكەن ناۋقاستاردىڭ كٶبٸ ون بەسٸنشٸ, ون التىنشى, تٸپتٸ جيىرماسىنشى كٷنٸ بٸراق مەديتسينا كٶمەگٸنە جٷگٸنەدٸ. ولار وسىنداي جەكە پراكتيكاداعى دەرٸگەرلەردەن دەرٸ-دەرمەك الىپ, بٸر ەمەس, ەكٸ كۋرس ەم قابىلداعان. ونىڭ ٸشٸندە اۋىر-اۋىر انتيبيوتيكتەر بار. سونىمەن ەمدەلٸپ, تٷك بولماعان سوڭ جەدەل جەردەمگە حابارلاسىپ, اۋىر كٷيدە تٷسٸپ جاتقان ناۋقاستار بولدى. سوندىقتان بۇل جاعداي قايتالانباس ٷشٸن الداعى ۋاقىتتا دەنساۋلىق ساقتاۋ سالاسىندا مەديتسينالىق اعارتۋ جۇمىستارىن كٷشەيتۋٸمٸز كەرەك», - دەدٸ شىڭعىس مۇقان.
