"مەن تەلەفونمەن سٶيلەسٸپ تۇرعانمىن. قاسىمدا بٸر جٸگٸت كەتٸپ بارا جاتتى, وعان اسا مەن بەرمەگەنمٸن, سٶيتسەم ول اعاشتىڭ ارتىندا تىعىلىپ, ەكٸ مينۋتتان كەيٸن مەن جاققا كەلە جاتقان ەكەن. قاراسام ماعان قاراي جاقىنداپ كەلە جاتىر, بٸر نەرسە سۇرايدى ەكەن دەپ ويلادىم, ول جاقىنداپ, پىشاقتى شىعارىپ, "تىنىش" دەي باستادى. مەن قاتتى تاڭعالىپ, نە ٸستەرٸمدٸ بٸلمەي, تۇرىپ قالدىم, پىشاق سۇعىپ الاتىن شىعار دەپ ويلادىم. تاعى بٸر قادىم اتتاعاندا قاتتى ايعايلاپ جٸبەردٸم. ول قورقىپ, قاشىپ كەتتٸ. ول نە ٸستەگٸسٸ كەلگەنٸن بٸلمەيمٸن, بٸراق ٶتە قورقىنىشتى جاعداي, ورنىمنان قوزعالا الماي قالدىم. بەرٸ بەس مينۋتتىڭ ٸشٸندە بولعان جاعداي", - دەيدٸ جەبٸرلەنۋشٸ قىز.
ول پوليتسەيلەرگە ارىزدانعان. بٸرق پوليتسەيلەر جەبٸرلەنۋشٸنٸڭ ٶزٸ قىسقا كيٸنٸپ العانىن ايتىپ, كٷدٸكتٸنٸڭ ەرەكەتٸن اقتاماق بولعان.
"مەن قاراتاۋ اۋداندىق ٸشكٸ ٸستەر بٶلٸمٸنە ارىز جازدىم. ۋچاسكەلٸك پوليتسييا قىزمەتكەرٸنە بارسام, ول ماعان: "ەرينە, قىسقا شورتى كيٸپ الىپسىڭ, كەز كەلگەن ادامنىڭ ويى اداسادى, سوندىقتان ساعان جاقىندادى", - دەدٸ. بۇل قورقىنىشتى تٷس, ەندٸ قاۋٸپسٸز جٷرۋ ٷشٸن شورتى كيە المايسىڭ با? وسى ادامدى تاۋىپ, وقشاۋلاۋ كەرەك, قۇداي ساقتاسىن, بٸرەۋدٸڭ باسىنا وسىنداي جامان جاعداي تٷسپەسٸن", - دەيدٸ جەبٸرلەنۋشٸ.
پوليتسييا دەپارتامەنتٸ ەرٸپتەسٸنٸڭ ەرەكەتٸن قىزمەتتٸك كوميسسييا قارايتىنىن حابارلادى. سونداي-اق دەپارتامەنت كٷدٸكتٸنٸ ٸزدەۋ جۇمىستارى ەلٸ جالعاسىپ جاتقانىن اتاپ ٶتتٸ.
"2022 جىلدىڭ 12 شٸلدەسٸندە شىمكەنت قالاسى قاراتاۋ اۋداندىق پوليتسييا بٶلٸمٸنە قالا تۇرعىنى ارىزدانعان. ول ٶز ارىزىندا 2022 جىلدىڭ 4 شٸلدەسٸندە ساعات 22.00 شاماسىندا نۇرسەت ىقشاماۋدانىندا پىشاق ۇستاعان بەيتانىس ەر ادام جاقىنداعانىن جازعان. قازٸرگٸ ۋاقىتتا ونى انىقتاۋ ٷشٸن جەدەل-ٸزدەستٸرۋ شارالارى جٷرگٸزٸلٸپ جاتىر", - دەدٸ شىمكەنت قالالىق پد باسپاسٶز قىزمەتٸنٸڭ ٶكٸلدەرٸ.
