شىمكەنت قالاسىنىڭ ەكٸمٸ مۇرات ەيتەنوۆ ورتالىق كوممۋنيكاتسييالار قزمەتٸندە ٶتكەن باسپاسٶز مەسليحاتىندا شاھاردىڭ 30 جىلداعى باستى جەتٸستٸكتەرٸن اتادى, دەپ حابارلايدى قازاقپارات.
«شىمكەنت قالاسىنىڭ حالىق سانى توقسانىنشى جىلدارى 400 مىڭ بولسا, قازٸر 1 ملن ادامنان استى. شىمكەنتتٸڭ ەر ەكٸنشٸ تۇرعىنى – تەۋەلسٸزدٸك تۋماسى. 30 جىل بۇرىن قالادا 69 مىڭ وقۋشىسى بار 72 مەكتەپ بولسا, قازٸر 226 مىڭ بالا وقيتىن 186 مەكتەپ بار. قالا بيۋدجەتٸ 1991 جىلى 1 ملرد تەڭگە بولاتىن. بٷگٸن 480 ملرد تەڭگەدەن استى. ٶمٸر سٷرۋ ۇزاقتىعى 10 جىلعا ٶستٸ. 1991 جىلى ورتاشا جاس 63 بولاتىن. قازٸر 71 جاستان استى», - دەدٸ ەكٸم.
ونىڭ ايتۋىنشا, قالانىڭ اۋماعىمەن بٸرگە ٸشٸندەگٸ جولداردىڭ ۇزىندىعى دا بٸرنەشە ەسە ارتقان.
«وسىدان 30 جىل بۇرىن قالادا 832 شاقىرىم جول بولسا, بٷگٸندە 4 ەسە ٶسٸپ, 3331 شاقىرىمعا جەتتٸ. بۇل جەتٸستٸكتٸڭ بارلىعى دا شىمكەنت قالاسى تۇرعىندارىنىڭ بٸرلٸگٸ مەن ٸسكەرلٸگٸنٸڭ ارقاسىندا بولىپ وتىر», - دەدٸ مۇرات ەيتەنوۆ.
