Shymkent qalasynyń ákimi Murat Áitenov ortalyq kommýnikatsiialar qzmetinde ótken baspasóz máslihatynda shahardyń 30 jyldaǵy basty jetistikterin atady, dep habarlaidy QazAqparat.
«Shymkent qalasynyń halyq sany toqsanynshy jyldary 400 myń bolsa, qazir 1 mln adamnan asty. Shymkenttiń ár ekinshi turǵyny – táýelsizdik týmasy. 30 jyl buryn qalada 69 myń oqýshysy bar 72 mektep bolsa, qazir 226 myń bala oqityn 186 mektep bar. Qala biýdjeti 1991 jyly 1 mlrd teńge bolatyn. Búgin 480 mlrd teńgeden asty. Ómir súrý uzaqtyǵy 10 jylǵa ósti. 1991 jyly ortasha jas 63 bolatyn. Qazir 71 jastan asty», - dedi ákim.
Onyń aitýynsha, qalanyń aýmaǵymen birge ishindegi joldardyń uzyndyǵy da birneshe ese artqan.
«Osydan 30 jyl buryn qalada 832 shaqyrym jol bolsa, búginde 4 ese ósip, 3331 shaqyrymǵa jetti. Bul jetistiktiń barlyǵy da Shymkent qalasy turǵyndarynyń birligi men iskerliginiń arqasynda bolyp otyr», - dedi Murat Áitenov.
