اتىشۋلى ميللياردەرلەر الەكساندر ماشكەەۆيچ, اليدجان يبراگيموۆ جەنە پاتوح شوديەۆكە تيەسٸلٸ Eurasian Resources Group شىمكەنتتٸ جىلۋمەن قامتاماسىز ەتەتٸن جالعىز كەسٸپورىن «ەنەرگوورتالىق-3» اق-نىڭ 94 پايىز اكتسيياسىن ساتىپ الدى. بۇل تۋرالى اتالعان كومپانييانىڭ رەسمي سايتى حابارلادى. ERG اكتسييالاردى «يۋجەنەرگوپروم» جشس-ٸنەن ساتىپ العان. ەكٸارادا قانداي كەلٸسٸمنٸڭ بولعاندىعى ەزٸرگە اشىق ايتىلمادى.
«3 ەنەرگوورتالىق» اق-ى 2000 جىلى قۇرىلعان. ول جىلۋ جەنە ەلەكتر ەنەرگيياسىن ٶندٸرۋمەن اينالىسادى. ونىڭ قۇرامىنداعى ەلەكتر ستانتسيياسى 1981 جىلدان بەرٸ جۇمىس ٸستەيدٸ. مۇندا جىلىنا ورتا ەسەپپەن 700 ميلليون كۆت/ساعات ەلەكتر قۋاتى ٶندٸرٸلەدٸ. كەسٸپورىندا 600-دەن استام ادام جۇمىس ٸستەيدٸ.
سوڭعى جىلدارى «3-ەنەرگوورتالىقتىڭ» بيۋدجەت جەنە ٶزٸنە تاۋار جەتكٸزٸپ بەرۋشٸ كومپانييالار الدىنداعى قارىزى قوردالانىپ قالعان بولاتىن. ەسٸرەسە, جىلۋ ورتالىعىنىڭ «قازترانسگاز» الدىنداعى قارىزى كٶبەيٸپ كەتكەن ەدٸ. جىلۋ ٶندٸرۋگە كەتەتٸن شىعىننىڭ ارتۋىنان شىمكەنتتە جىلۋ تاريفٸ جيٸ كٶتەرٸلەدٸ. سوڭعى رەت ول بىلتىر قاڭتاردا 129 تەڭگە 40 تيىن بولىپ بەكٸتٸلگەن بولاتىن. ERG كەسٸپورىنداعى قارجى تۇراقتىلىعىن قامتاماسىز ەتٸپ, قارىزداردان تەزٸرەك قۇتىلۋدىڭ جوسپارىن جاساپ قويعان كٶرٸنەدٸ. سونداي-اق, كەسٸپورىندا ەلەكتر ەنەرگيياسىن تيٸمدٸ جولمەن ٶندٸرۋ ٷشٸن قۇرال جابدىقتاردى جاڭارتۋعا ينۆەستيتسييا تارتپاق.
ايتا كەتەيٸك, Eurasian Resources Group پايدالى قازبالاردى ٶندٸرۋمەن اينالىساتىن ەلەمدەگٸ ٸرٸ كومپانييالاردىڭ بٸرٸ. تٶرت قۇرلىقتا قىزمەت ەتەتٸن كومپانييانىڭ 80 مىڭنان استام جۇمىسشىسى بار. ERG-نٸڭ قازاقستاندا تٷستٸ مەتالل, ەلەكتر ەنەرگيياسىن, كٶمٸر ٶندٸرەتٸن جەنە كٶلٸك سالاسىندا قىزمەت ەتەتٸن بٸرنەشە كومپانيياسى بار.
اتاقتى ميللياردەرلەر بٷكٸل شىمكەنتتٸڭ حالقى قاراپ وتىرعان, باسى داۋدان ارىلماعان جىلۋ ورتالىعىنىڭ جۇمىسىن جٶنگە قويا الادى ما? كٷتٸپ كٶرەلٸك.
باقىتجان ەبدٸراش, شىمكەنت
"جاس الاش" گازەتٸ
