شىمكەنتتە تٶتەنشە جاعداي رەجٸمٸن قامتاماسىز ەتۋ جٶنٸندەگٸ ٶڭٸرلٸك شتابتىڭ كەزەكتٸ وتىرىسى ٶتتٸ. باسقوسۋدا قالا ەكٸمٸ مۇرات ەيتەنوۆ قاۋٸپسٸزدٸك شارالارىن كٷشەيتۋ مەن ستراتەگييالىق نىسانداردىڭ دايىندىعىن ارتتىرۋدى, مەكەمە قىزمەتكەرلەرٸ مەن تۇرعىنداردىڭ قاۋٸپسٸزدٸگٸن قامتاماسىز ەتۋدٸ تاپسىردى, دەپ حابارلايدى "ۇلت اقپارات".
جيىندا سونىمەن قاتار, تٶلەمدەرگە بايلانىستى بارلىق قۇجاتتاردى قابىلداۋ جەنە تٷسٸندٸرۋ جۇمىستارى ەلەكتروندى تٷردە جٷرگٸزٸلۋٸ تيٸس ەكەنٸ ايتىلدى. قالا باسشىسى تيٸستٸ مەكەمەلەرگە كٶپشٸلٸككە ٷگٸت-ناسيحات جۇمىستارىن كٷشەيتۋدٸ تاپسىردى.
«كارانتينگە دەيٸن ستراتەگييالىق ماڭىزدى نىسانداردا جۇمىس ٸستەيتٸن مامانداردى جۇمىس بەرۋشٸ ٶندٸرٸس اۋماعىندا ەڭبەك ەتۋٸنە جاعداي جاساۋى كەرەكتٸگٸ سٶز بولدى. ول ٷشٸن نىسان اۋماعىندا ارنايى جاتاقحانا جابدىقتاپ, قىزمەتكەرلەردٸ سول جەرلەرگە ورنالاستىرۋعا بولادى. بۇل قۇرىلىس پەن ٶندٸرٸستٸڭ قاجەتتٸلٸگٸنە بايلانىستى ەسكەرٸلۋٸ كەرەك», - دەدٸ قالا باسشىسى.
دەگەنمەن بٸرٸنشٸ كەزەكتە كٷشەيتٸلگەن كٷزەت پەن قاۋٸپسٸزدٸكتٸ ساقتاۋ ەسكەرٸلەدٸ. سونىمەن قاتار ازىق-تٷلٸك دٷكەندەرٸ مەن بازارلارداعى ساۋدا قاتارلارى سانيتارلىق نورما بويىنشا جۇمىس ٸستەۋٸ قاجەت. قالا باسشىسى تيٸستٸ سالا جەتەكشٸلەرٸنە بلوك بەكەتتەردٸ كٶبەيتۋ تۋرالى تاپسىرما بەردٸ. قالاداعى «سەرگەك» بەينەكامەراسى احۋالدىق ورتالىققا قوسىلىپ, جاعداي سول كامەرالاردىڭ كٶمەگٸمەن باقىلاۋعا الىنادى. بەكٸتٸلگەن ەرەجەگە سەيكەس, قالاعا ەشكٸم كٸرٸپ-شىقپاۋى كەرەك. ٶيتكەنٸ شىمكەنتتٸڭ اۋماعى ٷلكەن, حالىق سانى ميلليوننان اسادى. سوندىقتان جۇرت شوعىرلانعان جەردە قاتەر جوعارى.
ايتا كەتەيٸك, ٸندەتتٸ جۇقتىرۋى مٷمكٸن دەگەن قاۋپٸ بار ازاماتتاردىڭ بارلىعى تەكسەرۋدەن ٶتەدٸ. قالادا زالالسىزداندىرۋ جۇمىستارى كٷشەيتٸلٸپ, قالىپتاسقان جاعداي تۇرعىندارعا ۋاقىتىلى حابارلانادى.
