فوتو: سكيرنشوت
شىمكەنتتە بٸر تۇرعىن ٷيدەگٸ ٷش پەتەردە تٶرت ادام ٶلٸ تابىلدى. الدىن الا مەلٸمەت بويىنشا, ولار جاپپاي گازدان ۋلانعان, - دەپ حابارلايدى Ult.kz كتك-عا سٸلتەمە جاساپ.
قايعىلى وقيعا ستۋدەنتتٸك قالاشىق شاعىناۋدانىندا بولعان. كٶرشٸلەردٸڭ ايتۋىنشا, پەتەرلەردٸڭ بٸرٸنەن 31 جاستاعى ەيەل مەن 16 جاستاعى قىزدىڭ مەيٸتٸ تابىلعان. ەكٸنشٸ قاباتتاعى باسقا پەتەردەن 23 جاستاعى جٸگٸت ٶلٸ انىقتالعان. ال ٷشٸنشٸ قاباتتاعى جالدامالى پەتەردە 20 جاستاعى ستۋدەنت قىز كٶز جۇمعان.
كٶرشٸلەردٸڭ ايتۋىنشا, ولار بۇعان دەيٸن گازدىڭ يٸسٸنە شاعىمدانعان. الايدا ەزٸرگە گاز قىزمەتٸنەن رەسمي تٷسٸنٸكتەمە بەرٸلگەن جوق. پوليتسييا ادام ٶلٸمٸنە ەكەلگەن قىزمەت كٶرسەتۋ دەرەگٸ بويىنشا قىلمىستىق ٸس قوزعادى.
"الدىمەن قىزدى شامامەن ساعات 12-لەردە تاپقان. پەتەر يەسٸ كەلٸپ, جۋىناتىن بٶلمەنٸڭ ەسٸگٸ جابىق تۇرعانىن كٶرگەن. اشسا, پەتەردٸ جالداعان قىز شومىلىپ جاتىپ, سول جەردە قايتىس بولعان. وسىدان كەيٸن ول ۋچاسكەلٸك پوليتسييا قىزمەتكەرٸن شاقىرعان. بارلىق ادامدى سىرتقا شىعارا باستادى. قۇتقارۋشىلار كەلٸپ, باسقا پەتەرلەردٸڭ ەسٸكتەرٸن بۇزىپ اشىپ, تاعى دا مەيٸتتەردٸ تاپتى", – دەدٸ يسلام فايزۋللاەۆ.
