Foto: skirnshot
Shymkentte bir turǵyn úidegi úsh páterde tórt adam óli tabyldy. Aldyn ala málimet boiynsha, olar jappai gazdan ýlanǵan, - dep habarlaidy Ult.kz KTK-ǵa silteme jasap.
Qaiǵyly oqiǵa Stýdenttik qalashyq shaǵynaýdanynda bolǵan. Kórshilerdiń aitýynsha, páterlerdiń birinen 31 jastaǵy áiel men 16 jastaǵy qyzdyń máiiti tabylǵan. Ekinshi qabattaǵy basqa páterden 23 jastaǵy jigit óli anyqtalǵan. Al úshinshi qabattaǵy jaldamaly páterde 20 jastaǵy stýdent qyz kóz jumǵan.
Kórshilerdiń aitýynsha, olar buǵan deiin gazdyń iisine shaǵymdanǵan. Alaida ázirge gaz qyzmetinen resmi túsinikteme berilgen joq. Politsiia adam ólimine ákelgen qyzmet kórsetý deregi boiynsha qylmystyq is qozǵady.
"Aldymen qyzdy shamamen saǵat 12-lerde tapqan. Páter iesi kelip, jýynatyn bólmeniń esigi jabyq turǵanyn kórgen. Ashsa, páterdi jaldaǵan qyz shomylyp jatyp, sol jerde qaitys bolǵan. Osydan keiin ol ýchaskelik politsiia qyzmetkerin shaqyrǵan. Barlyq adamdy syrtqa shyǵara bastady. Qutqarýshylar kelip, basqa páterlerdiń esikterin buzyp ashyp, taǵy da máiitterdi tapty", – dedi Islam Faizýllaev.
