شىمكەنتتە تٶتەنشە جاعدايلار بويىنشا كەشەندٸ وقۋ-جاتتىعۋلارى اياقتالدى. ٷش كٷنگە سوزىلعان شارا بارىسىندا ازاماتتىق قورعانىس سالاسى قىزمەتكەرلەرٸ تٶتەنشە جاعداي كەزٸندەگٸ تۇرعىنداردى قاۋٸپسٸز جەرلەرگە كٶشٸرٸپ, سۋدان قۇتقارۋ جۇمىستارىن پىسىقتادى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
وقۋ-جاتتىعۋ بارىسىندا شىمكەنت قالاسىندا جالپى قالالىق سەيسمو جاتتىعۋ شاراسى ٶتكٸزٸلدٸ. وندا 7 بالدىق كٷشٸ بار جەر سٸلكٸنٸسٸ ورىن العان جاعدايدا زارداپ شەككەن جەنە باسپاناسىز قالعان حالىقتى قابىلداۋعا ارنالعان شاتىرلى قالاشىق قۇرىلىپ, تٶتەنشە جاعدايعا دايىندىق بارىسى پراكتيكا جٷزٸندە پىسىقتالدى. وندا 128 ادام جەنە 35 تەحنيكا جۇمىلدىرىلدى. 100 مىڭنان استام ادامدى ۋاقىتشا ورنالاستىرۋعا بولاتىن قالاشىقتىڭ قۇرىلىمىنا قالا ەكٸمشٸلٸگٸ, قابىلداۋ پۋنكتٸ, تٸركەۋ ورنى, اقپارات پەن بايلانىس پۋنكتٸ جەنە پوشتا-تەلەگراف كٸردٸ. بۇل جەردە تۇرعىندار سۋىق مەزگٸلدە جاتىن ورىنمەن, تاعاممەن, سۋمەن, جىلى كيٸممەن, سونىمەن قوسا, مەديتسينالىق, قوعامدىق تەرتٸپتٸ قورعاۋ, ٶرتكە قارسى كٶلٸك قۇرالدارىمەن قامتاماسىز ەتٸلدٸ. قۇتقارۋشىلار قالا جۇرتشىلىعىنا جەر سٸلكٸنٸسٸ كەزٸندەگٸ داعدىلاردى ٷيرەتٸپ, ازاماتتىق قورعانىس شارالارىن ەلەكتەن ٶتكٸزدٸ. سەيسميكالىق بەلسەندٸلٸكتەن تۇران مٶلتەكاۋدانىندا ورنالاسقان №5 توعىز قاباتتى تۇرعىن-ٷيدە گاز قۇبىر جەلٸسٸنٸڭ بۇزىلۋى ورىن الىپ, ٷيدٸڭ كٸرەبەرٸسٸندە گاز قوسپاسىنىڭ جينالۋىنا الىپ كەلدٸ, جەتٸنشٸ قاباتتاعى پەتەردە جانۋعا ۇلاسقان گازدىڭ جارىلۋى ورىن الدى. ٷيدٸڭ تۇرعىندارىنان «101» پۋلتٸنە ٶرت تۋرالى قوڭىراۋلار تٷسە باستادى. وقيعا ورنىنا №2 جوعارى شاقىرىلىم بويىنشا ٶرت سٶندٸرۋ جەنە اۆارييالىق-قۇتقارۋ قىزمەتٸنٸڭ كٷشتەرٸ مەن قۇرالدارى جٸبەرٸلدٸ. بارلىعى جەكە قۇرامىندا 76 ادام, ٶرتكە قارسى قىزمەتتٸڭ 11 تەحنيكاسى, جەدەل-قۇتقارۋ جاساعىنىڭ, اپاتتار مەديتسينالىق ورتالىعىنىڭ قىزمەتكەرلەرٸ, №6506 ەسكەري بٶلٸمٸنٸڭ ەسكەري قىزمەتشٸلەرٸنەن بارلىعى 30 ادام جۇمىلدىرىلدى. جوسپار بويىنشا جۇمىلدىرىلعان ەنەرگييا جەلٸسٸ, گازبەن جابدىقتاۋ, سۋ كانالى قىزمەتتەرٸ ەنەرگييا قۋاتىن سٶندٸرۋ, گاز تالداۋىشپەن گازدىڭ شىعۋىن ٸزدەستٸرۋ جەنە ٶرتتٸ سٶندٸرۋ ٷشٸن سۋ تارتقىش جەلٸدە سۋدىڭ قىسىمىن كٶتەرۋ بويىنشا جۇمىستار جٷرگٸزدٸ.
بۇل پراكتيكالىق ٸس-شارالار ازاماتتىق قورعانىس قىزمەتٸنٸڭ بولۋى مٷمكٸن تٶتەنشە جاعدايلاردىڭ سالدارىن جويۋعا دايىندىق دەڭگەيٸن كٶتەرۋگە مٷمكٸندٸك بەردٸ. ەكٸنشٸ كٷنٸ سۋ ايدىنىندا ٶتكەن جاتتىعۋ كەزٸندە دە قاۋٸپسٸزدٸك جاعدايلارى جان-جاقتى پىسىقتالدى. سەبەبٸ, بيىلعى جىلى وبلىستا 30-دان اسا ادامنىڭ سۋعا باتۋ جاعدايلارى ورىن العان. ونىڭ تەڭ جارتىسىندا بالالار زارداپ شەككەن.
تجد قىزمەتكەرلەرٸ وقۋ جاتتىعۋ شارالارىن ۇيىمداستىرۋ ٷشٸن قالا سىرتىنداعى «جايلاۋكٶل» سۋ ايدىنىنا باردى. ستسەناريي بويىنشا قاۋٸپسٸز شارالارىن ساقتاماعان قايىقتاعى ەكەۋگە قۇتقارۋشىلار دەرەۋ كٶمەككە كەلدٸ. سۋعا باتىپ بارا جاتقان زارداپ شەگۋشٸلەردٸ قۇتقارۋشىلار شۇعىل جاعاعا شىعارىپ, ولارعا العاشقى كٶمەك كٶرسەتتٸ. ال, بٷگٸن تاڭسەرٸدەن بٸر مەزەتتە دابىل قاعىلىپ, شۇعىل تٷردە حابارلاندىرۋ جٷيەلەرٸ ٸسكە قوسىلدى. دابىل داۋسىنان سىرتقا شىققان تۇرعىندار جەر سٸلكٸنٸسٸ كەزٸندەگٸ داعدىلارىن پىسىقتادى.
جالپى, ارنايى ستسەنارييگە قۇرىلعان مۇنداي وقۋ-جاتتىعۋ شارالارى شاھار اۋماعىندا قاتارىنان 3 كٷن بويىنا جٷرگٸزٸلدٸ. مۇنداي شتاتتىق ماشىقتانۋ جۇمىستارى ەكٸ جىلدا بٸر رەت ٶتكٸزٸلەدٸ.
