شىمكەنتتە تەمٸرجول ۆوكزالىنان ٶرت شىقتى, – دەپ حابارلايدى قر ٸٸم تجك باسپاسٶز قىزمەتٸ.
«21 قاڭتار كٷنٸ ساعات 02.07 كەزٸندە ٶرتكە قارسى قىزمەت پۋلتىنا شىمكەنت قالاسىنداعى تەمٸرجول ۆوكزالىنىڭ ەكٸقاباتتى عيماراتىنان ٶرتتٸڭ شىققانى تۋرالى حابارلاما كەلٸپ تٷستٸ. انىقتالعانىنداي, عيماراتتىڭ بٸرٸنشٸ قاباتىنداعى قوسالقى بٶلمەدە جيھازدار مەن قاعاز قوراپتار ٶرتەنٸپ, تٸلسٸز جاۋ 6 شارشى مەتردٸ جايىلعان», - دەلٸنگەن حابارلامادا.
وقيعا ورنىنا جەتكەن ٶرت سٶندٸرۋشٸلەر تٸلسٸز جاۋدى بٸرەر مينۋتتىڭ ٸشٸندە اۋىزدىقتاعان. قۇتقارۋشىلار كەلمەي تۇرىپ, عيماراتتان 30 شاقتى ادام سىرتقا شىعىپ ٷلگەرگەن. زارداپ شەككەندەر مەن جاراقات العاندار جوق. ٶرتتٸ سٶندٸرۋگە جەكە قۇرامنان 52 ادام مەن 12 ٶرت سٶندٸرۋ تەحنيكاسى جۇمىلدىرىلعان. پوليتسييا قىزمەتكەرلەرٸ ٶرتتٸ سٶندٸرۋ بارىسىندا ۆوكزال اۋماعىن قورشاپ, ازاماتتاردىڭ قاۋٸپسٸزدٸگٸن قامتاماسىز ەتكەن.
