قارجىلىق مونيتورينگ اگەنتتٸگٸنٸڭ شىمكەنت قالاسى بويىنشا اۋماقتىق دەپارتامەنتٸنٸڭ قىزمەتكەرلەرٸ سۇيىتىلعان گاز كونترابانداسى دەرەگٸنٸڭ جولىن كەستٸ.
بۇل تۋرالى قازاقپارات قر قارجىلىق مونيتورينگ اگەنتتٸگٸنٸڭ باسپاسٶز قىزمەتٸنە سٸلتەمە جاساپ حابارلايدى.
تەرگەۋ 2020-2021 جىلدار كەزەڭٸندە شىمكەنت قالاسى كەسٸپورىندارى بٸرٸنٸڭ ديرەكتورى گ.چەركاسوۆا بەلگٸسٸز تۇلعالاردان سۇيىتىلعان گازدى ولاردىڭ شىعۋ زاڭدىلىعىن راستايتىن قۇجاتتارسىز ساتىپ العانىن انىقتادى.
سودان كەيٸن گ. چەركاسوۆا ٶزبەكستان مەن تەجٸكستانعا 146 ميلليون تەڭگەدەن استام سوماداعى سالماعى 966 توننادان اساتىن سۇيىتىلعان گازدى زاڭسىز ەكسپورتتاعان.
ەاەو كەدەندٸك شەكاراسى ارقىلى شىعارۋ كەزٸندە ول جالعان شارتتار مەن تاۋاردىڭ شىعۋ تەگٸ تۋرالى قۇجاتتاردى پايدالاندى.
تەرگەۋ بارىسىندا قۇجاتتاردى قولدان جاساۋ جەنە جالعان كٶرسەتٸلگەن كومپانييالارمەن ٶزارا ەسەپ ايىرىسۋدىڭ بولماعاندىعى راستالدى.
«گ.چەركاسوۆاعا 4,3 ميلليون تەڭگە كٶلەمٸندە ايىپپۇل سالىندى. سونداي-اق, ازاماتشادان سوت كونتراباندالىق تاۋاردىڭ قۇنىن ٶندٸرٸپ الماق», - دەلٸنگەن حابارلامادا.
