شىمكەنتتٸك پوليتسەي بالاباقشاداعى 25 بٷلدٸرشٸندٸ ٶرتتەن قۇتقاردى, دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
2021 جىلدىڭ 12 شٸلدەسٸندە شىمكەنت قالاسى اباي اۋدانىندا «اياۋلىم» بالاباقشاسىنان ٶرت شىعىپ جاتىر دەگەن حابارلاما كەلٸپ تٷسەدٸ.
وقيعا ورنىنا سول ەكٸمشٸلٸك اۋماققا قاراستى ۋچاسكەلٸك پوليتسييا ينسپەكتورى كەلٸپ جەتەدٸ.
ٶرتەنگەن ٷيدٸڭ جانىندا بالاباقشا ورنالاسقاندىقتان, ٶرتتٸڭ جالىنى سول جاققا قاراي باعىتتالادى.
اباي اپب جپقب ۋچاسكەلٸك پوليتسييا ينسپەكتورى, پوليتسييا كاپيتانى تيمۋر قۇرماشوۆ ٶرتكە ورانعان ٷيگە بٸرنەشە قايتارا كٸرٸپ, زارداپ شەككەن ادامداردى بٸرٸنەن سوڭ بٸرٸن سىرتقا شىعارىپ, ٶمٸرٸنە اراشا تٷستٸ.
ٶرت سٶندٸرۋشٸلەر مەن جەدەل جەردەم بريگاداسى كەلٸپ جەتكەنگە دەيٸن پوليتسييا كاپيتانى بالاباقشاداعى 25 بٷلدٸرشٸندٸ ٶرتتەن امان الىپ قالادى.
قازٸرگٸ تاڭدا ٶرتتەن زارداپ شەككەن ەشكٸم جوق.
– ٷيدٸڭ شاتىرىنان ٶرت شىعىپ جاتقانىن كٶرٸپ, ادامداردى قۇتقارۋ كەرەك دەپ ويلادىم. ٶرتەنٸپ جاتقان ٷيدٸڭ بالاباقشاعا جاقىن ورنالاسقانىنا بايلانىستى ەڭ الدىمەن ونداعى بالالاردى قاۋٸپسٸز جەرگە كٶشٸرۋ كەرەك بولدى, – دەيدٸ ۋچاسكەلٸك پوليتسييا ينسپەكتورى تيمۋر قۇرماشەۆ.
ٶرتتەن امان قالعان تۇرعىندار پوليتسييا قىزمەتكەرلەرٸنە العىسىن ايتىپ, ريزاشىلىعىن بٸلدٸردٸ.
