Shymkenttik politsei balabaqshadaǵy 25 búldirshindi órtten qutqardy, dep habarlaidy "Ult aqparat" Polisia.kz saityna silteme jasap.
2021 jyldyń 12 shildesinde Shymkent qalasy Abai aýdanynda «Aiaýlym» balabaqshasynan órt shyǵyp jatyr degen habarlama kelip túsedi.
Oqiǵa ornyna sol ákimshilik aýmaqqa qarasty ýchaskelik politsiia inspektory kelip jetedi.
Órtengen úidiń janynda balabaqsha ornalasqandyqtan, órttiń jalyny sol jaqqa qarai baǵyttalady.
Abai APB JPQB ýchaskelik politsiia inspektory, politsiia kapitany Timýr Qurmashov órtke oranǵan úige birneshe qaitara kirip, zardap shekken adamdardy birinen soń birin syrtqa shyǵaryp, ómirine arasha tústi.
Órt sóndirýshiler men jedel járdem brigadasy kelip jetkenge deiin politsiia kapitany balabaqshadaǵy 25 búldirshindi órtten aman alyp qalady.
Qazirgi tańda órtten zardap shekken eshkim joq.
– Úidiń shatyrynan órt shyǵyp jatqanyn kórip, adamdardy qutqarý kerek dep oiladym. Órtenip jatqan úidiń balabaqshaǵa jaqyn ornalasqanyna bailanysty eń aldymen ondaǵy balalardy qaýipsiz jerge kóshirý kerek boldy, – deidi ýchaskelik politsiia inspektory Timýr Qurmashev.
Órtten aman qalǵan turǵyndar politsiia qyzmetkerlerine alǵysyn aityp, rizashylyǵyn bildirdi.
