شىمكەنتتە ٶكپەسٸنە سۋىق تيٸپ, جەدەل جەردەم شاقىرتقان ناۋقاستار سانى كٷرت كٶبەيٸپ كەتتٸ. بۇل تۋرالى قالالىق دەنساۋلىق ساقتاۋ باسقارماسى مەلٸمەت تاراتتى, دەپ حابارلايدى "ۇلت اقپارات".
دەنساۋلىق ساقتاۋ باسقارماسىنىڭ مەلٸمەتٸنشە, قالاداعى ەپيدەمييالوگييالىق قولايسىز جاعدايعا بايلانىستى جەدەل جەردەمگە تٷسەتٸن قوڭىراۋلاردىڭ سانى ٶسكەن. بٷگٸندە 103 قىزمەتٸنە كٷنٸنە ورتا ەسەپپەن 1800-2000 قوڭىراۋعا دەيٸن كەلٸپ تٷسەدٸ.
«شاقىرتۋلاردىڭ باسىم بٶلٸگٸ - جرۆي, پنەۆمونييا سىندى ينفەكتسييالىق اۋرۋلار. جرۆي دياگنوزىمەن اۋرۋحاناعا جاتقىزۋ - 2 ەسە (2019 جىلعى ماۋسىم – 124, 2020 جىلعى ماۋسىم – 260), پنەۆمونييا دياگنوزىمەن - 7,2 ەسە (2019 جىلعى ماۋسىم-18, 2020 جىلعى ماۋسىم -130) ٶسكەن. ينفەكتسييالىق اۋرۋلاردىڭ ارتۋىنا بايلانىستى قالادا 1420 تٶسەك-ورىن اشىلدى. ونىڭ ٸشٸندە 690 ورىن ينفەكتسييالىق, 290-كارانتيندٸك, 440-پروۆيزورلىق تٶسەك-ورىن اشىلعان. وسىنىڭ ەسەبٸنەن ورىن جەتٸسپەۋ پروبلەماسى رەتتەلمەك. سونداي-اق, 22 ٶكپەنٸ جاساندى جەلدەتۋ جەنە 38 مونيتور اپپاراتى قوسىمشا ورناتىلعان. بۇعان قوسا, 27 ماۋسىمعا دەيٸن 40 ٶكپەنٸ جاساندى جەلدەتۋ اپپاراتى ورناتىلادى دەپ جوسپارلانۋدا» دەلٸنگەن حابارلامادا.
باسقارمانىڭ مەلٸمەتٸنشە, ناۋقاستاردىڭ اۋرۋ جۇقتىر كٶرسەتكٸشٸنٸڭ ارتۋىنا ساقتىق شارالارىنىڭ تيٸستٸ دەڭگەيدە ساقتالماۋى سەبەپ بولعان.
تۇرعىنداردىڭ باسىم بٶلٸگٸ ەلٸ دە اراقاشىقتىقتى ساقتاۋ, قول گيگيەناسى مەن ماسكا تاعۋ سىندى ساقتىق شارالارىن ەلەمەي وتىر.
