فوتو: Polisia.kz
ماس جٷرگٸزۋشٸ شىمكەنت پوليتسەيلەرٸنە 1 ملن تەڭگە پارا بەرۋگە تىرىستى, – دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
"تٷندە قالانى پاترۋلدەۋ كەزٸندە شىمكەنت پاترۋلدٸك پوليتسيياسىنىڭ قىزمەتكەرلەرٸ جول قوزعالىسى ەرەجەلەرٸن بۇزعان جەنە جول بويىمەن رەتسٸز قوزعالىپ بارا جاتقان كٶلٸككە نازار اۋداردى.
پوليتسييا كٶلٸكتٸ توقتاتتى. ولار سالوننان الكوگول يٸسٸن سەزٸپ, جٷرگٸزۋشٸدەن مەديتسينالىق تەكسەرۋدەن ٶتۋدٸ سۇرادى. جاۋاپ رەتٸندە ەر ادام ونى جاۋاپقا تارتپاۋ ٷشٸن 1 ميلليون تەڭگە ۇسىندى" - دەلٸنگەن حابارلامادا.
پوليتسييا قىزمەتكەرلەرٸ وقيعا تۋرالى دەرەۋ قالانىڭ پد ٶزٸندٸك قاۋٸپسٸزدٸك باسقارماسىنا حابارلاعان, ال جٷرگٸزۋشٸ ناركولوگييالىق ديسپانسەرگە جەتكٸزٸلگەن.
"تەكسەرۋ نەتيجەلەرٸ جٷرگٸزۋشٸنٸڭ ماس كٷيدە ەكەنٸن جەنە قۇقىعىنان ايىرىلىپ, رٶلگە وتىرعانىن راستادى.
قازٸرگٸ ۋاقىتتا قر قك-نٸڭ 346 جەنە 367-باپتارى بويىنشا سوتقا دەيٸنگٸ تەرگەۋ باستالدى" - دەلٸنگەن حابارلامادا.
