فوتو: اشىق دەرەككٶز
شىمكەنتتە پوليتسييا ٸرٸ ينتەرنەت-الاياقتىق دەرەگٸنٸڭ الدىن الىپ, قارت تۇرعىنعا ۇرلانعان قاراجاتىن قايتارۋعا كٶمەكتەستٸ, دەپ حابارلايدى Ult.kz.
الاياقتار زەينەتكەرگە حابارلاسىپ, ٶزدەرٸن بانك قىزمەتكەرلەرٸ رەتٸندە تانىستىرعان. پسيحولوگييالىق قىسىم جاساپ, تٷرلٸ ايلا-تەسٸلدەردٸ قولدانىپ, ەيەلدٸ قۇپييا دەرەكتەرٸن ايتۋعا جەنە بەلگٸلٸ بٸر ەرەكەتتەر جاساۋعا كٶندٸرگەن. سونىڭ سالدارىنان ونىڭ بانكتٸك شوتىنان قوماقتى قارجى زاڭسىز اۋدارىلعان.
جەبٸرلەنۋشٸنٸڭ ارىزىنا جەدەل ەرەكەت ەتكەن كيبەرپوليتسييا قىزمەتكەرلەرٸ قاجەتتٸ ٸس-شارالار كەشەنٸن جٷرگٸزدٸ. قابىلدانعان شارالاردىڭ نەتيجەسٸندە اقشا اۋدارىلعان ارنا دەر كەزٸندە انىقتالىپ, قاراجاتتىڭ ەرٸ قاراي قولما-قول اقشاعا اينالدىرىلۋىنا جول بەرٸلمەدٸ. نەتيجەسٸندە تەرتٸپ ساقشىلارى جەبٸرلەنۋشٸگە 9 ملن تەڭگەنٸ قايتارىپ بەردٸ.
پوليتسەيلەر مۇنداي قىلمىستاردىڭ, ەسٸرەسە, ەگدە جاستاعى ازاماتتارعا قاتىستى جيٸ كەزدەسەتٸنٸن اتاپ ٶتەدٸ. وسىعان بايلانىستى تۇرعىنداردى ساق بولۋعا شاقىرادى. جەكە دەرەكتەردٸ, SMS-كودتاردى جەنە بانك كارتاسىنىڭ مەلٸمەتتەرٸن ەشكٸمگە جارييا ەتپەۋ قاجەت. كٷدٸكتٸ قوڭىراۋ تٷسكەن جاعدايدا دەرەۋ پوليتسيياعا حابارلاسىڭىز.
