شىمكەنتتە قارلى بوراننان ەلەكتر جەلٸلەرٸ ٷزٸلٸپ, 18 ەلدٸ مەكەن جارىقسىز قالدى. تٷندە سٶنگەن جارىقتى ماماندار ەلٸ كٷنگە قوسىپ ٷلگەرمەي جاتىر, دەپ حابارلايدى "ۇلت اقپارات".
شىمكەنت قالالىق ەكٸمدٸگٸنٸڭ مەلٸمەتٸنشە, ەلەكتر جٷيەسٸنٸڭ ديسپەتچەرلٸك جەدەل قىزمەت كٶرسەتۋ بٶلٸمٸ كٷشەيتٸلگەن كەستەدە جۇمىس جاساۋدا. تاڭنان بەرٸ 34 اۆارييالىق جاعداي تٸركەلٸپ, ساعات 11:00-گە دەيٸن ونىڭ 11-ٸ قايتا ٸسكە قوسىلعان. قالعان وقيعا ورىندارىندا جۇمىستار ٷزدٸكسٸز جٷرٸپ جاتىر. ەلەكتر جەلٸلەرٸن قوسۋعا 22 بريگادا, 50 ادام جۇمىلدىرىلعان.
قالاداعى بٸرقاتار كٶشەلەردە باعدارشامدار سٶنٸپ, كەپتەلٸستەر تۋىنداعان. جەكەمەنشٸك ٷيلەردەگٸ پەشتەر ەلەكتر جەلٸسٸنە قوسىلاتىندىقتان كٶبٸسٸ جىلۋسىز قالعان.
ال, اباي اۋدانىندا قار تازالاۋ جۇمىسى ەكٸ اۋىسىمدا جٷرگٸزٸلٸپ جاتىر. كوممۋنالدى قىزمەتتەر تاڭعى ساعات 04:00-دەن باستاپ قارقىن العان. اۋداننىڭ جولدارىن, جاياۋ جٷرگٸنشٸلەر جولىن, الاڭدارى مەن باسقا دا قوعامدىق ورىنداردى قاردان تازالاۋعا 27 ارنايى تەحنيكا جەنە 171 ادام جۇمىلدىرىلدى. كوممۋنالدىق قىزمەتشٸلەر 258 اۋلانى 11 باعىت بويىنشا قاردان تازالاۋ جۇمىسىن جالعاستىرۋدا.
ەڭبەكشٸ اۋدانىندا قار جاۋا باستاعان سەتتەن كٶكتايعاقتىڭ الدىن الۋ ٷشٸن جولدار مەن قيىلىستارعا مۇزدى ەرٸتەتٸن ماتەريالدار سەبٸلگەن, جاياۋ جٷرگٸنشٸلەر جولى قاردان تازالانۋدا. بۇل جۇمىستارعا 8 كوممۋنالدىق مەكەمەدەن 76 تەحنيكا مەن 250-دەن استام جۇمىسشى تارتىلدى. ال اۋدان ەكٸمدٸگٸ تاراپىنان قار تازالاۋ جۇمىستارىن تەۋلٸك بويى باقىلايتىن كەزەكشٸلٸك ۇيىمداستىرىلىپ وتىر.
