قارجىلىق مونيتورينگ اگەنتتٸگٸنٸڭ شىمكەنت قالالىق دەپارتامەنتٸ ٸرٸ كٶلەمدە جالعان ەۋرو ساتقان كٷدٸكتٸنٸ ۇستادى, دەپ حابارلايدى "ۇلت اقپارات" قارجىلىق مونيتورينگ اگەنتتٸگٸنە سٸلتەمە جاساپ.
ازامات ب.قورعانباەۆ جالعان ەۋرونى ٶزبەكستان رەسپۋبليكاسىندا قۇنىنىڭ 50% تٶلەپ, ساتىپ العان. كەيٸن ونى تٷرلٸ جولدارمەن قازاقستاندا ساتا باستاعان.
«اۋماقتىق دەپارتامەنت قىزمەتكەرلەرٸ شىمكەنت قالاسىنداعى بانكتەردٸڭ بٸرٸندە جۇمىس ٸستەيتٸن مامانداردىڭ كليەنتتەرگە 4000 ەۋرو بەرگەنٸن انىقتادى. تەرگەۋ بارىسىندا ب.قورعانباەۆتىڭ بۇل قىلمىسقا قاتىسى بارى دەلەلدەندٸ», - دەلٸنگەن حابارلامادا.
ازامات ب.قورعانباەۆ بۇعان دەيٸن الاياقتىق ەرەكەتٸ ٷشٸن سوتتالعان.
سونداي-اق, ول اقشا العان تانىستارىنا قارىزىن جالعان ەۋرومەن قايتارىپ وتىرعان.
ب.قورعانباەۆ نومينالى 500 ەۋرو بولاتىن 10 مىڭ جالعان ەۋرونى زاڭسىز پايدالانعان.
ول وسى قىلمىستىق ەرەكەتٸ ٷشٸن 5,5 جىلعا باس بوستاندىعىنان ايىرىلدى.
