شىمكەنت قالاسىندا ەكٸ جوعارى وقۋ ورنى باس ليتسەنزيياسىنان ايىرىلدى. ولار - «وردا» (بۇرىنعى «Silkway حالىقارالىق ۋنيۆەرسيتەتٸ») مەن «ميراس» ۋنيۆەرسيتەتتەرٸ, دەپ حابارلايدى "ۇلت اقپارات" بٸلٸم جەنە عىلىم مينيسترلٸگٸنە سٸلتەمە جاساپ.
2020 جىلى «وردا» جەنە «ميراس» ۋنيۆەرسيتەتتەرٸن تەكسەرۋ بارىسىندا بٸلٸم سالاسىنداعى زاڭنامانى ٶرەسكەل بۇزۋ فاكتٸلەرٸ انىقتالعان.
ەكٸ جوعارى وقۋ ورنىنىڭ قىزمەتٸ توقتاتىلىپ, ولارعا انىقتالعان بۇزۋشىلىقتاردى جويۋعا ۋاقىت بەرٸلدٸ.
الايدا جوعارى وقۋ ورىندارى قاتەلٸكپەن جۇمىس جٷرگٸزبەي, 8 اي كوميتەتتٸڭ ليتسەنزييانى توقتاتا تۇرۋ تۋرالى شەشٸمٸنە شاعىمدانۋمەن اينالىستى.
بٸراق سوڭىندا سوت كوميتەتتٸڭ شەشٸمٸن ٶز كٷشٸندە قالدىرۋ تۋرالى شەشٸم قابىلدادى. ال ۋنيۆەرسيتەتتٸڭ كٶپتەگەن شاعىمدارى قاناعاتتاندىرىلمادى.
ەندٸ شىمكەنت قالاسىنىڭ مامانداندىرىلعان اۋدانارالىق ەكٸمشٸلٸك سوتىنىڭ 1 شٸلدەدەگٸ شەشٸمٸمەن اتالعان ەكٸ جوعارى وقۋ ورنى باس ليتسەنزيياسىنان ايىرىلدى.
«وسى جىلدىڭ مامىر ايىندا قايتا تەكسەرۋ قورىتىندىسى بويىنشا قاتەلٸكتەرمەن جۇمىس جٷرگٸزٸلمەگەنٸ انىقتالدى. ەڭ باستى مەسەلە كادرلاردى دايارلاۋ ساپاسىندا بولدى. مىسالى, «وردا» ۋنيۆەرسيتەتٸندە وقيتىنداردىڭ 97%-ى شەكتٸ بالدان ٶتە المادى جەنە وقۋ پروتسەسٸندە الىنعان بٸلٸم مەن قۇزىرەتتەردٸڭ جەتكٸلٸكتٸ دەڭگەيٸن راستاي المادى. ەكٸ جوو-دا كەستەگە سەيكەس جاپپاي ساباق ٶتكٸزبەۋ فاكتٸلەرٸ انىقتالدى. اعىمداعى باعالار قويىلماعان, بەكٸتٸلگەن كەستەگە سەيكەس ەمتيحاندار ٶتكٸزٸلمەگەن, پەندەر تولىق كٶلەمدە وقىتىلماعان. تيٸستٸ 5 كرەديتتٸڭ ورنىنا تەك 3 كرەديت يگەرٸلدٸ. بارلىق پەن وقۋ-ەدٸستەمەلٸك ماتەريالدارمەن قامتاماسىز ەتٸلمەگەن. وقىتۋشىلاردىڭ بەكٸتٸلگەن پەداگوگيكالىق جٷكتەمەسٸ مەن ونىڭ ناقتى ورىندالۋى اراسىندا ٷلكەن ايىرماشىلىقتار بار, ياعني وقىتۋشىدا جٷكتەمەدە بەلگٸلٸ بٸر پەن بويىنشا دەرٸس وقۋ جوسپارلانۋى مٷمكٸن, ال ٸس جٷزٸندە ول ونى وقىمايدى», – دەپ اتاپ ٶتتٸ قر بعم بٸلٸم جەنە عىلىم سالاسىنداعى ساپانى قامتاماسىز ەتۋ كوميتەتٸنٸڭ جوعارى جەنە جوعارى وقۋ ورنىنان كەيٸنگٸ بٸلٸم بەرۋ سالاسىنداعى باقىلاۋ باسقارماسىنىڭ باسشىسى ەلۆيرا ساپاربەكوۆا.
بۇعان دەيٸن تەۋەلسٸز بٸلٸم ساپاسىن قامتاماسىز ەتۋ اگەنتتٸگٸ دە وسى جوعارى وقۋ ورىندارىن اككرەديتتەۋدٸ توقتاتقان ەدٸ.
سوندىقتان بۇل ۋنيۆەرسيتەتتەر تٷلەكتەرگە ديپلوم بەرە المايدى. ديپلوم الۋ جەنە وقۋدى اياقتاۋ ٷشٸن ستۋدەنتتەر باسقا ۋنيۆەرسيتەتتەرگە اۋىسا الادى.
بۇل جوعارى جەنە (نەمەسە) جوعارى وقۋ ورنىنان كەيٸنگٸ بٸلٸم بەرۋ ۇيىمدارى قىزمەتٸنٸڭ ٷلگٸلٸك قاعيدالارىندا كٶزدەلگەن.
قر «بٸلٸم تۋرالى» زاڭىنا سەيكەس بٸلٸم بەرۋ قىزمەتٸمەن اينالىسۋعا ارنالعان ليتسەنزييادان ايىرىلعان نەمەسە بٸلٸم بەرۋ ۇيىمى تاراتىلعان كەزدە قۇرىلتايشى بٸلٸم الۋشىلاردى باسقا بٸلٸم ۇيىمدارىنا اۋىستىرۋ ٷشٸن شارالار قابىلدايدى.
