فوتو: KazChess
شىمكەنت قالاسىندا بٸر ۋاقىتتا ەكٸ ٸرٸ حالىقارالىق شاحمات تۋرنيرٸ – قازاقستان رەسپۋبليكاسى بالالار كۋبوگىنىڭ بٸرٸنشٸ كەزەڭٸ «د.ە. قوناەۆ-2026 مەموريالى» جەنە KazChess Masters Nauryz 2026 جارىسى باستالدى, دەپ حابارلايدى Ult.kz.
بالالار كۋبوگىنىڭ العاشقى كەزەڭٸ رەكوردتىق كٶرسەتكٸشكە جەتٸپ, 409 جاس شاحماتشىنى جينادى. بۇل جوسپارلانعان 350 قاتىسۋشىدان ەلدەقايدا كٶپ. تۋرنيرگە قازاقستانمەن قاتار قىرعىزستان, رەسەي, تەجٸكستان, تٷرٸكمەنستان جەنە ٶزبەكستاننان كەلگەن جاس ويىنشىلار قاتىسۋدا. جارىس 14 جاسقا دەيٸنگٸ جەنە 10 جاسقا دەيٸنگٸ ساناتتار بويىنشا ٶتٸپ, شۆەيتسار جٷيەسٸمەن 9 تۋرعا جوسپارلانعان. جالپى جٷلدە قورى – 4 ميلليون تەڭگە.
فوتو: KazChess
اتالعان تۋرنير جاس تالانتتاردى انىقتايتىن نەگٸزگٸ الاڭداردىڭ بٸرٸ سانالادى. ٶتكەن جىلى قازاقستاندىق جاسٶسپٸرٸمدەر ەلەمدٸك دەڭگەيدە جوعارى نەتيجە كٶرسەتٸپ, بٸرنەشە جاس ساناتىندا التىن جٷلدە جەڭٸپ العان بولاتىن.
سونىمەن قاتار قالادا ەرەسەكتەر اراسىندا ٶتەتٸن KazChess Masters Nauryz 2026 تۋرنيرٸ دە قاتار باستالدى. بۇل جارىستا 10 شاحماتشى اينالمالى جٷيە بويىنشا باق سىنايدى. ولاردىڭ قاتارىندا بەس قازاقستاندىق جاس تالانت پەن رەيتينگٸ 2600-دەن اساتىن بەس شەتەلدٸك گروسسمەيستەر بار. تۋرنيردٸڭ جٷلدە قورى 25 ميلليون تەڭگەنٸ قۇرايدى, ال جەڭٸمپاز 7 ميلليون تەڭگەگە يە بولادى.
فوتو: KazChess
ايتا كەتەيٸك, KazChess Masters تۋرنيرٸ قازاقستاندىق شاحماتشىلار ٷشٸن گروسسمەيستەرلٸك نورمانى ورىنداۋعا جول اشادى. ال بالالار كۋبوگى بولاشاق چەمپيونداردى انىقتاۋدىڭ ماڭىزدى كەزەڭٸ سانالادى.
وسىلايشا, ناۋرىز مەرەكەسٸ كٷندەرٸ شىمكەنت حالىقارالىق شاحمات ورتالىعىنا اينالىپ, ەلەمدٸك دەڭگەيدەگٸ ويىنشىلار مەن جاس تالانتتاردى بٸر الاڭدا توعىستىردى.
فوتو: KazChess
