شىمكەنت قالاسىندا كوروناۆيرۋس جۇقتىرعان بٸر ادامنىڭ جاعدايى اۋىر. 12 ناۋقاستىڭ جاعدايى بٸرقالىپتى. بۇل تۋرالى شىمكەنت قالاسى تاۋارلار مەن قىزمەتتەردٸڭ ساپاسىن جەنە قاۋٸپسٸزدٸگٸن باقىلاۋ دەپارتامەنتٸ باسشىسى ەبدٸماناپ تٷگەلباەۆ ايتتى.
بۇل قالادا بارلىعى 14 ادامنان ۆيرۋس تابىلعان. 5 سەۋٸردە بٸر ادام قايتىس بولدى. ول مەسكەۋدەن الماتى جٷك كٶلٸگٸمەن بارا جاتقاندا ىستىعى كٶتەرٸلٸپ, شىمكەنتكە جەتكەن سوڭ جەدەل جەردەم شاقىرعان. 28 ناۋرىزدا ول شىمكەنت قالاسى جۇقپالى اۋرۋلار اۋرۋحاناسىنا جاتقىزىلعان. كەيٸن جاعدايى كٷرت ناشارلاپ, جاساندى تىنىس الۋ اپپاراتىنا قوسىلعان. ەر ادام 5 سەۋٸر تٷن اۋا قايتىس بولعان. دەنساۋلىق ساقتاۋ باسقارماسى مارقۇمنىڭ بۇرىن تۋبەركۋلەزبەن اۋىرعانىن, پنەۆمونييا مەن قانت ديابەتٸ شالدىققانىن ايتادى. كوروناۆيرۋس ونىڭ جاعدايىن قيىنداتىپ جٸبەرگەن.
ال قاراعاندى وبلىسى دەنساۋلىق ساقتاۋ باسقارماسىنىڭ حابارلاۋىنشا, ايماقتا كوروناۆيرۋس جۇقتىرعان ٷش ناۋقاستىڭ جاعدايى اۋىر, بٸرەۋٸنٸڭ جاعدايى ورتاشا اۋىر. ولار جانساقتاۋ بٶلٸمٸندە جاتىر. باسقارما تٶرت ناۋقاس تا بۇرىن كوروناۆيرۋستان كٶز جۇمعان قاراعاندىلىقپەن بايلانىستا بولعانىن ايتادى.
5 سەۋٸردەگٸ دەرەككە ساي, قاراعاندى وبلىسىندا 31 ادامنان ۆيرۋس تابىلدى. ونىڭ بٸرەۋٸ قايتىس بولدى.
قازاقستاندا قازٸر 569 ادامنان كوروناۆيرۋس تابىلدى. 36 ادام دەرتتەن ايىقتى. التى ادام قايتىس بولدى.
دەنساۋلىق ساقتاۋ مينيسترٸ ەلجان بٸرتانوۆ سەۋٸردٸڭ العاشقى ون كٷنٸندە ەلدە ۆيرۋس تاراۋ شەگٸنە جەتٸپ, كەيٸن ازايا باستايدى دەپ بولجايدى. مينيستردٸڭ ەسەبٸنشە, ەلدە 3500 ادامعا ۆيرۋس جۇعۋى مٷمكٸن.
قازاقستاندا 15 سەۋٸرگە دەيٸن تٶتەنشە جاعداي. ەلدٸڭ باسىم بٶلٸگٸندە كارانتين.
