شىمكەنت قالاسىنىڭ 90 جاستاعى تۇرعىنى قۋانىش ابدۋراحمانوۆ جەرگٸلٸكتٸ تٸركەلگەن ەمحاناسىنا كەلٸپ, كوروناۆيرۋس ۆاكتسيناسىن سالدىردى, دەپ حابارلايدى "ۇلت اقپارات" دەنساۋلىق ساقتاۋ مينيسترلٸگٸنە سٸلتەمە جاساپ.
بٸر عاسىرعا جۋىق ٶمٸر سٷرگەن قارييا - شىمكەنت قالاسىنىڭ قۇرمەتتٸ ازاماتى. ەلەمدە بولىپ جاتقان جاعدايدان كٷندەلٸكتٸ حاباردار بولىپ وتىرعان قارت كٸسٸ ۆاكتسينا قابىلداۋدى جٶن كٶرگەن.
ەكپەدەن الدىن قۋانىش قارييانى دەرٸگەرلەر تەكسەرۋدەن ٶتكٸزگەن. قارسى كٶرسەتٸلٸمدەر بولماعاندىقتان, «سپۋتنيك-V» ۆاكتسيناسىنىڭ ٸ-كومپونەنتٸن ەكتٸ.
«ويلانا كەلە ٶز ەركٸمەن كوۆيدكە قارسى ۆاكتسينانى سالدىرتتىم. وسىلايشا بٸز ۆيرۋستى جەڭەمٸز. كٶپشٸلٸككە ايتارىم, ۆاكتسينادان قورقۋدىڭ قاجەتٸ جوق. ەكپەنٸ سالدىرتۋ قاجەت دەپ ويلايمىن», - دەيدٸ اقساقال.
ايتا كەتەيٸك, قۋانىش قارييانىڭ وتباسى مٷشەلەرٸنٸڭ بارلىعى ۆاكتسينا سالدىرعان.
ەكپەنٸڭ بٸرٸنشٸ كومپونەتتٸن سالدىرعان قارييا ارادا 21 كٷننەن كەيٸن ۆاكتسينانىڭ ەكٸنشٸ كومپونەنتتٸن قابىلداۋى قاجەت.
