جىل اياعىنا دەيٸن شىمكەنت قالاسىندا گازبەن جۇمىس ٸستەيتٸن 590 اۆتوبۋس جولاۋشى تاسىمالدايتىن بولادى, دەپ حابارلايدى "ۇلت اقپارات".
بۇل تۋرالى شىمكەنت قالاسىنىڭ ەكٸمٸ مۇرات ەيتەنوۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا ايتتى.
«بىلتىر 590 اۆتوبۋس ساتىپ الىنعان. ونىڭ 300-ٸ قازٸر جٷيەگە تٷستٸ. 290-ى جىلدىڭ اياعىنا دەيٸن قولدانىسقا شىعادى. ونىڭ بەرٸ – گازبەن جٷرەتٸن قوعامدىق كٶلٸك. ٸشٸندە اۋا باپتاعىشى بار, مٷگەدەكتەرگە قولايلى. نەگە 290 كٶلٸكتٸ كەشٸگٸپ ەنگٸزەمٸز? سەبەبٸ قالادا قوعامدىق كٶلٸككە گاز قۇياتىن ستانسانىڭ قۇرىلىسى ەندٸ اياقتالدى. ەكٸنشٸسٸن ۇلعايتۋ جۇمىستارى ەندٸ عانا باستالدى. جىل اياعىنا دەيٸن بٸتۋٸ كەرەك. سول كەزدە عانا قالعان اۆتوبۋستى جولعا شىعارۋعا بولادى», - دەدٸ قالا ەكٸمٸ.
مۇرات ەيتەنوۆ قالا تۇرعىندارى قوعامدىق كٶلٸك اقىسىن ەلەكتروندى جولمەن تٶلەۋگە جىلدام بوي ٷيرەتكەنٸن ايتتى.
«قوعامدىق كٶلٸك ىڭعايلى بولۋى ٷشٸن بىلتىر قازاندا ەلەكتروندىق تٶلەم ەنگٸزدٸك. سونىڭ ارقاسىندا قازٸر 80 پايىزى ەلەكتروندى تٶلەم ارقىلى قاتىناپ جٷر. 300 مىڭنان استام تۇرعىن تٶلەم كارتاسىن پايدالانىپ وتىر. وعان قوسىمشا ارنايى باعدارلاما ەنگٸزدٸك. قاي كٶلٸك قاي جەردە جٷرگەنٸن كٶرسەتٸپ وتىرادى. ول ٷشٸن تەلەفونعا تيٸستٸ قوسىمشانى جٷكتەسە بولدى. سول ارقىلى تۇرعىندار اۆتوبۋستىڭ ناقتى ۋاقىتىن كٶرٸپ, جوسپارىن تيٸمدٸ قۇرا الادى. قازٸر قوسىمشا ىڭعايلى بولۋ ٷشٸن ايالدامالاردىڭ اتىن تۇرعىنداردىڭ داۋىس بەرۋٸ ارقىلى انىقتاپ جاتىرمىز. تەحنيكالىق مەسەلەلەرٸ شەشٸلگەننەن كەيٸن ونى دا ەنگٸزەمٸز. جايلاپ-جايلاپ قالامىزداعى قوعامدىق كٶلٸكتٸڭ 80 پايىزى جاڭا, زاماناۋي, ٷلكەن اۆتوبۋستارمەن الماستىرىلادى», - دەدٸ ەكٸم.
